المشاركة الأصلية كتبت بواسطة أم خالد.

لا تقولين زوجك انا ما اتمناه و انتظر يوم الحساب عشان نتحاسب عند ربي

لكن حسبي الله في كل من ساعده و عانه انه يحرق قلبي و يحرق قلب اطفال مساكين مالهم ذنب

يا فرح ... حياة المعلقة بجنب اولادي هي اللي (احلم )فيها ....

الحمدلله هو طلقني بالثلاث يعني ما في امل و هذا خير كبير

لكن لو فيه مجال اني ارجع له راح ادعس على نفسي و كرامتي و ارجع عشان اولادي

هو ماله في خاطري شي

ابيك تفكرين بعقلك .. انتي موظفة انشغلي بوظيفتك ادرسي سوي اي شي لا تحطينه في راسك

اعتبريه سواق راح ولا جا اعتبريه اييييي شي في الحياه


اعتبريه فرد معاق لا فائدة منه خذيه على قد عقله في اي شي يقوله و يسويه

ترا ربي فوق و شايف و عالم بحالك مستحيل وضعك يطول الا ما تفرج

انتي ثقي بربي و استخيري و ارجعي له خليه ع شروطه خليه ينزل اللي في راسه

بعدين من كلامك عنه ترا هو مو بطال بالمرة ... فيه ايجابيات ما عليه زوين يعني ينصبر عليه الحمدلله

عيشي كأنك مطلقه لا تطالبيه بشي و مصير الوقت يمر و السنين تجري و تقولين الحمدلله اللي عدت ذيك السنين