السلام عليكم
((زوجي يعارض زيارتي لاهلي على فترات متقاربة ))
كم تمنيت اني اتزوج وكنت اقول لنفسي ان الي يتزوجني راح يعيش سعيد

واكيد راح يسعدني معاه بس للاسف مادري وش اقول من فين ابداء من البدايه او النهايه لانها متشابهه

انا نزلت موضوع قبل فتره اني سقط وصار خلاف بيني وبين زوجي ورجعت والحمدلله حلت المشكله وكاني انا المذنبه او بالاصح القاتله في عينه

انا احس نفسيتي الان تعبانه جدا انا حملت والحمدلله لاني خاطري بطفل يسليني والان انا في شهؤي الثاني

راح احكيلكم الي متعبني وانتو احكمو تكفوون حتى لو بدعوه لعلها تصيب

انا الان حامل وبيت اهلي قريب مني جدا وزوجي يقول لي اهلك ماتزورينهم الى بعد 6 شهور مره وحده فقط

كيف وليش مادري انا والدي تعبان جدا وصرت اروح كل بعد اسبوعين او اسبوع

لان ابوي تعبان مره وينبسط لمن نجتمع حوليه

المهم مره لبست وقلت له ودني لاهلي ومارد بس ساكت وكان اخوي قريب مني

ارسلت لاخوي تمرني لان زوجي وقتها نايم وصحيته وتاخر الوقت وهو يقلي شويه شويه

فقلت له اخوي قريب من البيت اروح معاه قلي روحي ورحت وبالرجعه جاني زوجي ورجعني

واليوم الثاني جتني صحبتي واليوم قلي انتي شكلك متعوده عالفلته

وهو يطلع للقهوه ومايرجع الى مع اذان الفجر

ويقلي انتي متعوده عالفلته وقلي المفروض اهلك ماتشوفيهم الى كل بعد 6 شهور

قلت وش معنى خواتك كل يوم عند اهلك مامنعوهم ازواجهم قال مو شغلك

يا ناس يا عالم ليش ليش لمن اعامل بطيب واحترام ماينرد لي نفس التعامل

والله مو مقصره معه بشي وهو قالها قال انتي كامله والكامل الله

يسب ويلعن اهلي ومارد بكلمه وابوي تعبان مابي ازيد همه

وش اسوي حتى ضغطي بس ينخفض وخايفه على طفلي الي ماله ذنب

وش اسوي والله حرام حرام

((تم التعديل ليتناسب مع المضمون))