عزيزتي شيهانة،،

كونه يحترمك وما يدخل عليك مخمور او يجمع أصدقاء السوء في البيت او يشرب فيه،، ويشرب في الخفاء ومن وراك هذا كفيل انك تتطمنين وتعرفين انه ما وصل لمرحلة الإدمان او انه يكون أسير لذلك الشي،، وانه حريص على صورته أمامك لأنه يحترمك ،، هالشي لازم يخليك تستبعدي فكرة الطلاق حاليا،، ويا حبذا تسوي نفسك ما دريتي عن شربه للخمر طالما انك ما تضررتي بسببه، وتشتغلي في نفس الوقت على تقوية الوازع الديني عنده،،

وطالما انه يحافظ ع الصلاة هذا مؤشر جيد جدا ،، ونقطة انطلاقة لك لتقوية دينه،، المطلوب منك مبادرات بسيطة،، شريط او إذاعة قران وانتو رايحين مشوار بالسيارة،، تستمعين لمحاضرات دعاة بوجوده،، حاولي يشوفك وانت تقرأي قرآن بصوت شجي ،،وتصلي بخشوع ،، ذكريه بالاستغفار او الصلاة على محمد ،، مبادرات صغيرة منك تجتمع وتكون وازع ديني يخليه يعيد النظر في حياته ،،