الرجل الكريم اذا كان منان هنا تكره المرأة كرمه
يمن على كل شي.. وماعمره اخذني مكان الا ينكد علي
وسبق كتبت هنا بمواضيع عن سفراتي معه وكيف يقلبها نكد
وحتى مشواري الاخير فجأة قلبها لهجوم وانتي مصيتي دمي
وانا والله والله ما اطلب منه شي مادي الا نادرا
هو اللي يبادر غالبا بالماديات.. حتى يسكتني فيها
ولما يعطيني يكرهني الشي اللي اعطاني اياه
التعايش مع هالنوعية صعب
خصوصا انو كل شهر معه يكون اسوأ من اللي قبله
صرت احن لمشاكل سابقة كان فيها اخف حده وعصبيه


مشكلتي زمان اني كنت خايفه من الطلاق
ولما قررته وحسمت الموضوع هو اصر على رفض الطلاق
لكن بداخله ماتغير شي.. بالعكس جالس يسوء اكثر
امس بالليل مثلا قلت له: جوعانه وتعبانه ابي اطلب اكل (من حسابي)
قال: شوفي الخبز بالمطبخ والا نامي خفيف احسن
وهو كان عارف اني امس كنت مرهقه وتعبانه جدا
لكنه مايرحم اذا حس بضعفي او قلة حيلتي
يستمتع اذا حس انه كسرني ويتلذذ اذا شاف دموعي
وقتها يشيط علي اكثر
وانا اضطر اسكت واناظره بحزم واقوم واتركه.. اتقاء شره



تسأليني اذا بقائي معه افضل او اني اتركه
اقول لك مدري.. مشكلتنا نخاف دايما من المجهول