ادري ان الزواج مو هاجسك ... انتي تبين اطفال و تبين تكونين ام

مثل مو انا هاجسي عيالي وﻻهم بحاصلين لي الشكوى لله

الحمدلله انك مقتنعه بحكمه الله في الزواج و عدمه

اذن قيسي الحكمة على جميع أمور حياتك بما فيها الابتعاث و الامومة

انا دايم اقول لنفسي لو ان جلسه عيالي معاي فيها خير لكان الله اختارها لي

لكن تيقنت فعلا ان الخير هو الذي اختاره سبحانه لهم

مبتعثه بحكي لك موقف حصل قريب خلاني استشعر نعم ربي المتتاليه علي و لله الحمد

قبل فتره انخطبت و وافقت تحت ضغوطات من اخوي و امي الادمي ما فيه شي عشان ينرفض

لكن انا ما كنت متحمسة له، سويت تحليل و كل شي كنا قريبين من العقد و انا كنت على استخاره دايمه

كنت ادعي و اقول يارب انت تعلم اني وافقت عشان امي و رضاها يارب يسره اذا خير

فجأة من غير مقدمات حصل امر ما جعل امي و اخوي اكثر اثنين كانوا ضاغطين علي يرفضون الموضوع

والله اني صرت اضحك ضحك الفرح و ضحك الرضا و ضحك السعاده

موقف زي هذا كان ممكن يدمرني زمان .. لكن الان نظرت للموقف من ناحيه اخرى تماما

ترتبت على هالموقف مواقف كثيير و اهم مافيها ان اخوي اعتذر لي و تصافينا بعد خلافات كبيرة بيني و بينه

اهم مافيها ان علاقتي فيه تحسنت كثير و قربنا من بعض الحمدلله و هذا شي ما كنت متوقعته ابدا

شفت وشلون ربي رحيم سبحانه بحيث يجري الاقدار نظنها شر و فيها خير كثير

خطوبة تتفركش و قلوب تتلاطف بعد الخلاف و نظرة تتغير و مواقف اخرى كثير تبنى على أثر هذه الخطوبة التي لم تتم

تعرفين يا مبتعثة قاعده أبحث عن الخير في الشر !

هذي جديد عرفتها و تعلمتها

كل ما حصل امر سيئ لي أغلق قلبي عنه و عيني و أقول ... ماذا بعد ؟

افتش عن الخير فيه و ﻻ ابالي للذي سائني منه

اتمنى اكون افدتك لاني سيئة في ايصال المقصود

__________________

‏
الوعي هو الملاذ ..

أستغفر الله العظيم ؛
( الفردوس غايتي )