رد : زوجي يكسر قلبي
خطأ عليك ياعيون المها إنك ماتتكلمين ولا تتحاورين معه
إذا ماتقدرين وجه لوجه ارسلي له ايميل أكتبي له عن اللي في خاطرك
زوجك عقلاني لدرجة إنه مايعرف البنت وش تحب ووش تتمنى
عنده صمتك إنك مبسوطة وراضية
الرجل مايعترف إلا بالتصريح يفهم عليك أما التلميح هذي بقاموسنا حنا البنات
لا تكتبين له انت ماتشبعني او متضايقة منك لالا
قولي الاشياء اللي تحبينها وتتمنينها تجي منه خليه يفتح عيونه شوي وصدقيني
بيشغل تفكيره كلامك وبيحث عن سعادتك لأنه يدري إنه راحتك من اسس نجاح بيته اللي هو جالس يشتغل ويفكر فيه
اتكلم لك والله من تجربة تكلمي معه وقولي له لاااا تسكتين بعدين راح ترحمين نفسك وترحمينه
لانكم ماعرفتوا لبعض بصمتك انتي وهو بجهله بعالم البنات
صدقيني لا هو ولا انتي فيكم شي وطبيعين جدًا لكن يبي لكم تحركون شوي وتقربون اكثر وانتي بيدك تكسرين هالحاجز بحوارك معه بهدوء وشوي شوي بيتفهم وبيكون صريح اكثر
اهم شي لا تغلطين وتسكتين وتروح احلى سنوات حياتكم بالكتمان
الله يسخركم لبعض