شوفي حبيبتي انا بقلك عن نفسي .. انا موظفة وراتبي الحمدلله اضعاف راتب زوجي .. وبالرغم اني وقفت مع زوجي مو من اول سنة لا من اول يوم بحياتنا لانه يستاهل ولانه سوى المستحيل وتكلف بديون عشان يتمم زواجنا ولانه كريم معي لاصار بيده شي .. بالرغم من كذا بس اقترحت عليه اشتري له سياره طبعا بقرض لان سيارته خرباتها كثير وتستنزف اللي يبقى من راتبه بعد سداد ديونه فقلت له اشتري لك سياره ونرتاح من خرابات وتصليحات السيارة .. تدرين انه رفض بشدة .. لدرجة اني زعلت وقالي انا ممكن ارضى تساعديني في شغلات اساسية في حياتنا لان ماعندي مقدرة مادية لكن انك تحطين على نفسك مبلغ وقرض عشان اركب سيارة .. لان كل تفكير زوجي ان القرض يكون لشي باسمي سواء أرض أو بيت..

اللي ابي اوصله ان المدة الزمنية ماهي كفيله انها تضمن لك حب وصدق زوجك وخوفه من ربه .. لا والله الرجال اللي يخاف الله لو العشرة بينك وبينه يوم واحد بس ماراح ياكل حقك ابد ...

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..