نفسيـتي تعبـت من شك زوجي وضربه لي اكثر من مرة
السلام عليكم
يعلم الله اني تعبت تعب الله لايوريكم وجاني هبوط بالضغط ولي 6 ايام مجهضه ونفسيتي دمار
طبعا بقولكم نبذا عني وعن زوجي قبل المشكله
انا عمري 22 متزوجه وعمري 19 طبعا شخصيتي عصبيه عندما اتنرفز من شيء ماحب اسلوب النقاش الحاد انسانه حساسه طبعا احب شيءاسمه وناسه ولعب وفله
طبعا عكس شخصية زوجي عمره 34 انسان عصبي ودمه حار مايحب البنت الخفيفه يحب البنت الثقيله مايحب حركاتي يقول تصرفاتي طفوليه واسويها عفويا طبعا اذا خفت اكذب ويعتبر التصرفات اللي اسويها مربوشه ويقول متى تكبرين وتعقلين
نبدا للمشكله
زواجنا تقليدي وهو ولد عمي وانا بنت عمه تزوجنا ولنا 4 سنوات وخلفت بنت على طول وكانت تمر بيننا مشاكل فترة الحمل لما كانت تجيني ارقام على جوالي
ورسايل وزوجي مسك جوالي وشاف الرسايل وقلت اني مالي علم ب الارقام ههذه وكانت تزعجني من قبل اخذك واطنش
طبعا هو انزرع من داخله الشكه وقال بطلع سجل المكالمات من الهاتف قلت عادي طلع
وهو يوم شاف رده فعلي طنش الموضوع وقلت انا بنت عمك عيب اللي تسويه
طبعا عقب فتتره سكت بس مازال هالموضوع عالق بذاكرته ولانساه وكل ماتهاوشنا وصار بيننا مشكله دخل سالفة الارقام والرسايل بالسالفه
قلت له خلاص هذيك سالفة وانتهت موب لازم كل مشكله تصير بيننا تروح تعيد السالفة
قلت مو واثق فيني خلاص ودني لااهلي قال انا لو موب واثق فيك كان وديتك من ثاني يوم وسكت بعدها
وعقبها تصير بيننا مشاكل وهو من بعد ماحمل برنامج الشات البرلنقو على ماظن اسمه عاتبته وقلت ليه تحمله ققال مو انتي مسؤله عني
وانا كبير وفاهم بس داخله عشان ربعي قلت اي ربعك اصدقاء سوء ودلوك على طريق الغلط ومافيهم خير قام وعطاني كف
قال مابقى الا انت تحاسبيني وهو لابه كله صور بنات وقال لاتنسين نفسك ان جوالك اول تجيه ارقام ورسايل قام يعيد الموال
كل شوي يهددني فيه عشان يسكتني
طبعا من عقبها صار م بيني وبينه اي حكي ومشاعر طبعا لاجيت احكي له مشاعري يقول ادري انكم تجامليني وتكذبين علي
عشاني مره شافني كذبت على ابوي وقال اكيد دامك كذبتي على ابوك بتكذبين علي
طبعا كذبة بيضاء على قولتهم طبعا ابوي يحبني ادرس وموصي زوجي علي اكمل دراستي وسالني اني ادرس قلت اي ادرس
وانا ساحبه اسبوع على الجامععه قال زوجي كذابه
وبعدها اخذها علي موقف وماصار يثق فيني
وحياتنا مبينه على الشك ودايم يراقب جوالي وربي جوالي مافيه الا واتس فقط ويراقب السجل مكالمات
وصار هالايام يختلق المشاكل بس عشان ينفصل عني قلت ادري انك تلف وتدور بس عشانك م تبيني قال ان لو ماابيك كان وديتك لاابوك مبطي
طبعا مايخفيكم لابغينا نتناقش انا لازم صوتي يصير اطول منه واحصل منه كم كف طبعا ومع ذالك وربي ماعلمت اهلي عنه سواياه طبعا لاعليت صوتي عليه ابيه يفهمني وتقفل معي مرات
ويقول انتي تفكيرك غبي وفاشله وكذابه وهو طبعا مسوي الانسان المثقف وهو كلامه عني سب واني غبيه
وانتي م تحبيني وتكرهيني اقوله انا اكرهه تصرفاتك فقط مو ذاتك يقول اي جاملي انا عارف
طبعا انا تعبت معاه وهو مو راضي يصدق مني اي كلام يقول خلاص كل شيء اتضح لي
طبعا جتني فتره حملت الانستقرام والبيبي ام طبعا بس صديقاتي واهلي سووو سالفه ليش تحملينهم قلت انت شايفني احملهم
ولا قلت شيء طبعا محملتهم من سنه وهو توه يستوعب وانك مو شايفتني ولاشيء وتسوين كل شيء من وراي قلت خذ الجوال
وشوف اذا لقيت شيء غلط حاسبني قال مو لازم اشوف انتي محمله برامج وسخه قلت لاتنسى نفسك محمل برنامج الشات وساكته عنك
قلت انا متزوجه واعرف حدودي ومو انت تشك بااخلاقي قام وعطاني كف وضربني وطبعا هذا اخر نقاش كان بيننا
وبعدها كم يوم اجهضت بسبب النفسيه اللي كنت اعاني من شك زوجي لي وكل ماحاولت اتقرب منه بالعكس احس نتباعد عن بعض
اتمنى وصلت لكم مشكلتي وحبيت اخبركم بمشاكلنا كيف صايره وشكرا
تم تعديل العنوان ليتناسب مع مضمون الموضوع
التعديل الأخير تم بواسطة مارد الجنوب ; 03-06-2014 الساعة 11:12 AM
02-06-2014, 11:24 PM
ضوابط المشاركة
العرض الشجري