السلام عليكم ورحمة الله وبركاته

كيفكم ياغالين
لكم وحشة فديت قلوبكم
بالنسبه للاخوات لي ماشافوا اخباري كتب بقسم اخبار الاعضاء
ياجماعه اضيع لا طلعت من ذا القسم
ههه تعودنا على مشاكل الازواج الله يصلحهم

كنت راح اكتب بعدين بس دام بناتي نامين الله يحفظم بنتظر لين صلاه الفجر واعطيكم المختصر

طبعا انتم عارفين قصتي كامله
خلال فتره جلوس البنات في الحضانه كان ابوهم يجي من فترة للثانية يطل عليهم ويرجع
يعني اول ماولدت جلس معي ثلاث اسابيع عند اهلي
وبعدها صار يجي وكنت ايه وكند لا
جوري بنتي لقطت انفكشن بالحضانه واضظر ابوها يلغي سفره يومين الي كان حجمها اصغر من اختها

المهم اتفقنا انا وزوجي نفتح صفحة جيدة وننسى الماضي عشان هالبنات وسامحته على كل شىئ
عشان لايقول حملت ووصلت لمرادها وبعدين سحبت ماني من هالنوع وحاشى وكلا
رغم انه مهددني وانا حامل بالطلاق وهو لي جابلي الطلق بسبب غثاه وكلامه
ومع هذا من شفت عيونات بناتي نسيت كل شى وتركته لله

رجعت بيتي بعد ماراتاحوا بناتي من الحضانه وقطار الحياه ماشي
قمت ثاني يوم دقيت على عمتي الي هي امه وانا دوم لا جيت من عند اهلي ادق عليها
قالت جيتوا قلت اي نعم متى تمرينا
جا هو فاجائني قاال انا ماعلمت احد ان احنا رجعنا ّّ!!!
قلت ليش ؟
قال كذا بس
المهم من عرفت امه انه رجع اكيد زوجته راح تعرف ومن ثاني يوم طبق علي نظام يوم هنا ويوم هناك
انا تضايقت وحتى امي تضايقت
قلت يابن الحلال انا صارلي سنه غايبه ياخي اجلس معنا شوي مافيها شى
قال خلاص لي براسي بسويه
سكرت الموضوع
رحنا المسشتفى طعمنا البنات وجلست اسال الدكتور عن بعض التحاليل وادقق بالامور لانه مافي شى يهمني غير بناتي
قال قدام الدكتور هذه مجنونه مشيت له
جوري لمن تصيح ينزعج من بكائها وقام ينام بالصالة رغم ان بيته الثاني درزن عيال ولاكان ينزعج
بناتي مايشيلهم ولا يفرح فيهم لانه كان منتظر اجيب له اولاد عنده بنات كثير
المهم مشيت وسكت اطالع بعيون بناتي وانسى غثاه

بصراحه سالفة انه يكذب بجيته لجدة ولا يبي زوجته تعرف اثارت فضلولي
وقمت اخذت جواله ودخلت على محادثته هو وزوجته
ادري انه غلط وتجسس بس كان ودي اعرف هالادمي وش وراه

المهم قريت بلاوي سودة حب وغرام بينهم شى فوق الخيال
رغم انه كان يقولي مجلسها بس عشان بناته كذااااب
منسجملين لابعد الحدود
وهالشى ماهني يعني ذاك الزود
لي قهرني قالت له ليش مو جاي الليله قصدها يوم كان عندي بالرياض
قالها جوري جتها انفكش والدكتور قالي اجلس احس ماترجع مرة ثانيه
قالت له خلي امهم تدبر حالها وهي تعطيك الاخبار وانت تعال الليله

قالت له وشفيك ناسي عيالك الثانين نسيت اني جايله لك ست عيال ولاهي مع التوم وقاعد تصور فيهم
كان نفسي يرد عليها يقولها كلهم عيالي
يعرف بس انا يوبخني لا نطقت بكلمه حرق قلبي بصراحه وكان يحكلي لها عن كل كبيرة وصغيره عن بناتي
وانا علمته لا يقول لاحد وضع بناتي لان هالشى لا يعنيها
ماكان ودي اجيب طاريها بالمنتدى لاني كنت اقول هي بحالها وانا بحالي ولا كنت اللقي بال لموضوع الضره
اقول نصيب وانتهى هي الله يحفظ لها عيالها وانا بعد

بعد كانوا يتكلمنون عن الجنس بالجوال وتذكرون مرة يوم لاطفته بالكلام قلب الدنيا فوق راسي وكتب موضوع بهاشى
وحارمني انا من حقوقي
انا ودي بس اعرف ليش تزوجني دامه منسجم مع زوجته وبينهم كل هالحب
ليش لمن كان يقولها مافي زيك من الحريم النصاب
ليش تزوج عليها ولا شكلهم متفقين ينصبون على الناس
جتني البيت تبارك لي لاني جاملتها باخر مولود لها قبل ثلاث سنوات وقلت له لا تجيني ماودي باالاحراج
ومع هذا جابها واستقبلتها زين وكل شى
وكلمت بنته الكبيره ع قد عقلها
قلت يامي احنا بنموت وانتم الاخوان مالكم الا بعض احرصي ان تكون العلاقة طيبه مع كل اخوانك
ادري اني ضرتها وانها ضرتي ومستحيل نحب بعض بس ليش تغير الرجال على عياله
انا اول كنت احسب له علاقات برا اثاريها هي لي لاعبه بحسبته

المهم يوم شفت المحادثه سويت برنت وارسلتها له
قلت ماهمني خرابيطم الثانيه بس تحضرك ع عيالك وحسدتني ع توم وهي معها ست الله يكفيني شرها بما شاء
ارسلت له رساله قلت فكر بحياتنا وبناتك محتاجين لك
قال وشرايك تروحي عند اهلك تجلسن ونفك البيت اذا صار عمر البنات ثلاث سنوات ارجعي انا ذبحني الاجار!!!
يوم قال هالكلام هنا فصلت انا
اشتبكت الامور قام يهدد مره ثانية بالطلاق
قال بكرة رايح المحكمه قلت اذا بتروح انا بروح معك عشان انشر غسيلك عند القاضي وهالمرة وقفت بوجهه لانه كرهني بحياتي مابيه يلعب لي ع اعصابي وانا بناتي يحتاجوني
ثاني يوم قال بخليك معلقه بس عشان البنات ولي بيني وبينك البنات بس
والحين ينام بغرفه وانا بغرفه
بصراحه افكر هالمرة بجد باالانفصال الرجل مايحبني ولا يطيقني وحتى بناتي مالهم قبول عنده يعني بايش راح يفيدني ع الاقل ابعد عنه عشان لا يكدر علي واعيش فرحتي مع بناتي بسلام
واحيانا افكر ان بناتي يحتاجون اب وضعت فعلا
حياتي معه بئيسه وخاصا من عرفت ان زوجته سبب هالمشاكل اذا تذكرون يوم اقولكم نفسي اعرف وش عنده بايش يفكر وبصراحه حسيت انه يحسب لها اللف حساب بس لي محيرني ليش تزوج عليها
يوم كان في بيت اهلي تقول امي والله يابني رجنا جواله يوم شحنوا سراير البنات كان هو وخالي يركبونها
تقول الواتس شغال تانقوا الاتصال قالت ياولدي رد ترى جوالك ازعجنا
قالها ماراح ارد تمتحنه وهو مسافر عندي
انا ودي اترك لها الجمل بما حمل والله تاخذه وتشبع فيه انا مليت منه وقرفت مامعه لا راحه ولاسعاده ولاحب
ولاهعو قادر يعدل وكل ماجيت ماعنده فلوس مادري وين تروح بدل ساكن \
وين يروح راتبه لي الكل يقول فوق العشرين اللف وهو يقول عشره
احترت في هالادمي ماعرفت له يعني مو غموض قرف
ابي حل الله يسعدكم وبصراحه اذا بيعلقني وكلن ينام بغرفه وبينا طلاق روحي ويقهرني اكثر احسن كلن بطريقه وربي اغناني من واسع فضله
على فكرة يقولي مو كنتي تقولين لي اعطيني فرصه الحمل برمضان العام
كنه يقولي اخذتي فرصتك الخلا
ودي هالمرةه يايعرف قدري يا فمان الله خخخلاص طابت النفس

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...