المشاركة الأصلية كتبت بواسطة ام مريمي

اخوي ،، اذا شغلك راح يلهيك عن الموضوع اذن انصحك فعلا ترجع لشغلك وتاخذ الاجازة بوقت رجوع زوجتك منها تصارحها ومنها تاخذون لكم اجازة مع بعص تغيروا جوو فيها وتبعد كل الافكار السلبية ... انت كل ماا تحس بالفراغ تزيد افكارك .. حاليا مو الوقت المناسب وراح تحسسها انك اناني وما راح توصل لها المعلومة تماام ...، اكتب مافي قلبك بورقة وعطرها بما انك انسان كتووم فافضل حل هو الورقة والقلم وبعد ما ترجع زوجتك انتظر كم كووم واخذ لك اجازة واحجز لكم سفرة حلووة ..
وبعدها خلها تقرأ الورقة ....

حاليا اتركها بدون اتصالات ولا عتاب حتى لو ظلت يومين ثلاث ! وبتشوف رده فعل بتفرحك ومثل ماقلت لك حاليا اعذرها هي بحالة صعبة وحتى لو تشوفها متواجده ماتدري ؟ ممكن مشغله لها شي وتاركته؟ انا شخصيا اسوي هالحركة ولا يبقى للفجر القرآن الكريم مشغل .. ممكن غيرها يستخدمه؟ اطفالك مثلا؟ ... فيه كثيير من التبريرات لسالفة الظهور ..

الله يألف بين قلوبكم ان شاء الله وصدقني زوجتك تحبك وتعزك حتى لو ما اتصلت هالشي مايعني عدم اهتمامها وبتشوف لما تتركها جم يوم بدون تواصل شلون هي اللي بتتصل لكن اذا كلمتها ابدا لا تعاتبها ،،