#. المستجدات قبل شوي عرفت بها .#

الحمدلله و الشكر اني اخدت قراري بالانفصال عن هذا الشخص و عن عايلته ..

- اخويا قبل لا نروح المحكمة .. حاول يقابل ابوه و يجلس معاه و بالمعروف نترك بعض ..
لكن ام زوجي ما سمحت لاخويا انه يقابل زوجها .. عشانها تحرف القصة و تغيره و توصله لزوجها بطريقة
تخلي الغلط علي ..

هي كان عندها خبر .. لكن زوجها ما كان يعرف عن الي حصل بيني و بين ولده

انا قلت لاخويا .. ترى هي ما سمحت لك تقابله و تحججت عشان يمديها تشوه صورتي انا امامه

- بعد فترة لما الابو عرف .. و هو اصلا من زمان يعرف بلاوي ولده و الدليل كان دايما يقول له
زوجتك تدخل الجنة بسببك .. و ما كنت ادري ليه كذا يقول دايما و يردد
و كانوا مرات يتكلموا برموز و اغاز و تلميحات و ما افهمها .. و قدامي اهله باستثناء ابوه ؛ يسكتوا لو شي يخص ولدهم
او يلمحوا باشياء غريبة تدل على انه ورا ولدهم مصايب .. بس ماني عارفة و لا احد راضي يحكي و يفصح امامي

- دحين ابوهم لما عرف .. و ماعرف زوجته ايش اضافت بهارات ؟؟؟؟
قال انه انا ما يبغى يشوفني و لا يبغاني ادخل بيته
( مسكيييييين و الله .. ما يدري انه هذا هو - يوم المنى - بالنسبة لي )

بس انا فاهمتهم كلهم .. بيغطوا على عيب ولدهم و فضايحه
و بيبينوا للناس انه هما الي ما يبغوني ؟؟؟؟

طنشتهم ..
اذا اصلا ما يسألوا و لا يدوروا عن احفادهم (^^,)

- دحين وصلني خبر ..
انه اهل زوجي لما عرفوا من زوجي اني رفضت الصلح من اسبوعين و قررت طلب الطلاق خلاص
راحوا بيخطبوا له .. و لقيوا له وحدة ( مطلقة و عقيم و قبيلية ) ..

- انا فاهمة تفكيرهم ..
يبغوا قبل لا ينتشر خبر انفصالنا انا و زوجي وسط العيلة و الاقارب و الارحام ..
يبغوا يزوجوه عشان يقولوا للناس انه زوجته تطلقت منه للسبب هذا ..
فيغطوا على عيبه

و عشان يدبسوووووا بنت الناس قبل لا تعرف ايش سبب الطلاق و قبل لا ينفضح
و هي مطلقة اول مرة .. فلو تدبست معاه قبل لا تعرف مصايبه و بلاويه .. خلاص ما راح تقدر تفسخ

طبعا حضرته رجع للتمثيل و بيربي لحيته و صايرة السبحة في يده على طوووول
عشان الجماعة يصدقوا انه امام مسجد و ملتزم .. مثل ما ضحك علي