مشاكل أمي وأبوي .
بسم الله الرحمن الرحيم ، والصلاة والسلام على أشرف الأنبياء والمرسلين ، ورمضان مبارك على كل فردٍ منكم .
أنا البنت الكبرى في العائلة .. إخوتي صغار .. المشكلة بين أمي وأبوي ممتدة بجذور من بداية زواجهم .. آخر مشكلة حصلت بينهم قبل رمضان .. وأمي وقتها فكرت إنها تأخذ اخوتي وتخليني بما إني الكبيرة عند ابوي وتجلس عند أهلها .. لين كلمتها وأقنعتها وكلمت الوالد من الجانب الآخر .
المشكلة كل من أمي وأبوي مخطئين بوجهة نظري .. وكل منهما يكابر .. وكل مهما شايل على الآخر مثل الجبل على قلبه .. ولا يتصارحون فيما بينهم أبدًا .. آخر مشكلة كانت هي القاصمة .. لأن أمي قامت بطرد أبوي من البيت .. مع سباب وشتائم .. والسبب جدًا تافهة .. لأن الوالد أحيانًا يدخّل أصدقاؤه داخل البيت بدون مايعطينا خبر نرتب البيت وهذاك اليوم كان عندنا عزيمة وسوا أبوي هالحركة ، وراحت أمي تركتنا بوسط العزيمة وطلعت من البيت ، و طردته من البيت بعدها ورجعت هي وجلسنا حول الأسبوع ، حاولت أصلح بين الطرفين قدر المستطاع ، أبوي يقول بوقت العزيمة الي مسويها تقوم وتطلع وتخليني ؟ يعني قصدها إني لا أعزم أحد ؟ ، قلت أنا شايلة البيت وقتها وعادي ماصار شيء ، لكنه مقتنع بهالفكرة .. وأمي كلما كلمتها تفتح لي مشاكلها من بداية زواجهم لين الحين وتذكر أشياء عفى عليها الزمن .. كلا الطرفين مقصرين بحقوق بعض .. أمي ماعادت تشتغل في البيت من فترة طويلة .. وأبوي إنسان عنيد ماله إلا رأيه ..
البارح صار بينهم مشادّة .. وأمي تقول إني بأروح لأهلي خلاص .. أنا حاولت أصلح ولا قدرت ، وش باقي لي من حلول ؟ .. حقيقة تعبت من محاولة إصلاحهم وطول يومي حاطة يدي على قلبي وأتابع تصرفات هذا حتى مايغلط وتصير مشكلة من جديد ...
وشكرا
07-07-2014, 04:28 PM
ضوابط المشاركة
العرض الشجري