ههههههههههههههه ،، الردود كانت رائعة برغم بعض الحدة فيها ولكن اعتقد اخوي صاحب الموضوع توافقني بأن الردود ممتازة للمناقشة ...

اخواني اخواتي نسيتوا اهممممم نقطة وياريت فيه رجل دين معانه ويفيدنه بشكل دقيق ،،،
ألا يوجد شروط شرعية للزواج من أخرى؟؟ يعني كعذر شرعي ؟؟
والا بس لانه اسمحولي على الكلمة اشتهى ثانية فقرر فعمل ؟؟ هل يؤذن له وخلاص؟
او لانه يبغي يغيض زوجته وبسبب حقد تجاهها قرر بيوم يتزوج وخلاص ؟ هل يصلح هالزواج؟
او فقط يبغي يعدد ويفرح لما يشوف كومة اطفال وكومة زوجات موجودين حواليه ويحس نفسه السلطان باشا؟! هل ايضا يسمح له الدين وهو عنده هالنيات ؟!

اعتقد لكل زواج شروط ،، اتمنى افهمها لان بمرة من المرات حاول اخوي ينرفزني هو وزوجي هههههه امام والدي فرد عليهم ان عشان تتزوج الثانية للازم يكون عندك عذر شرعي عشان ماتكون ظالم لبنت الناس! ..

خواتي ،،
ان كنتي زوجة معدد .. فربي يآلف بين قلوبكم انتي وزوجك وزوجته ويبقي عيشتكم في وآم وهدوء بعيدا عن المشاكل ..

ان كنتي على وشك ان تكوني الاولى والثانية بالطريق .. الله يعينك ويربط على قلبك ويبعد عنك الحزن و ينسيك قهرك و يقربك لعبادته ويلهيك باطفالك ...

ان كنتي الوحيدة ،، فربي يديم المحبة ولا يفرق القلوب ولا يشحنها على بعض و يزيد بدلالك وحبك ..

العزابية ،، لاحقين على الهم بعدين !!