اخي ابو مريم اشكرك ع ردك
فعلا كما قلت زوجي فاشل جدا ف التعامل مع الاناث
ربما لان ليس لديه اخوات ولكن هذا لا يعطيه مبرر كامل لكل تصارفاته الهجميه
حيث ان اخوانه لبقين ولديهم اسلوك الحديث
لكن زوجي غير حتى ف تعامله مع قريباته
انا اخجل كثير عنه يصرخ ع هذه ويفشل تلك
واوقات يكونون كبار ف العمر فمن العيب. ان البنت تتهزأ
لكن هو مافي اسلووووب ابدا همجي لابعد حد
انا عارفه موضوعي يبي له صبر لكن تعبت ابي طرق تخليني ما اعطي الامر اهميه كبيرة
انا كثير انشغل بنفسي واهتم بنفسي امارس هواياتي
لكن يبقى تفكيري به مستمر
ثم لا يلبث ان يتمشكل او نتشابك ف مشكلة جدديدة
وكمما اشرت ان استغل لحظات الصفا ولحظات قربه
جربتها لكنها لا تنفع مع زوجي
زوجي يريد كل شي بالغصب يعني لو فرضنا اني تمنعت عنه بدلع يتركني يقولي وشو ماتبغين يعني بنبرة عصبية
ف بالتالي انحرمت من الدلع لانثوي والتمنع
اقولك موقف مرة ونحن ف قمة لحظاتنا الحميمة وقعت عينه ع فيش نسيته مشبوك للشاحن تخيل صرخ علي وش فيك نسيتيه هذا بتحرقينا
يعني عادي عنده يطلع من الجو الي عايشه ويرجع له
ماعرف اذا اصلا يعيش اللحظة ولا لا
احيانا اذا حاولت ابدا معاه اي موضوع قبل اللقاء يتكلم ينرفزة وينسى وش كان يبي
مايعرف للتدلع واذا كان مزعلني بشي تافه وبغيت ادلع مثلا اقوله ما احبك بصيغه دلع بحته
يزعل!
انا صحيح اني عصبية وشخصيتي قويه لكني دلوعه وكنت مدلل ه جدا في بيت اهلي
هو لا يعرف الدلال الانثوي
لما اكون اشتغل شي واقوله تعبت او يدي عورتني يعصب ف صرت اسكت
لما اطلع برا واشتري اشياء بسيطة اشتهيها او تعودت اشتريها زي شوكلاتات او ايس كريم كلها راس مالها ماتتعدى ريال او ريالين
يتضايق ويمنعني
لما اخاف من الوحدة ف البيت يعاقبني فيه ويعصب
لما ازعل من مزحه الثقيل يعصب ويقول عشان كدا ماحب امزح معك
لما يطلب مني شي واقوله بدلع مابدي واسويه الي طلبه مني يزعل يقول انتي ماتراعي المشاعر ويذكر الموقف وقت الخصام والنقاش

عمو رؤف الله يجزاك خير
والله تستغرب لو قلت ان زوجي هو الي يطلب دايم مشورتي
ف اشياء كثيرة مايعرف يسويها بنفسه
اتوقع متعود ياخذ تعليمات من اي احد
لانه ف حالة الامر يسويلك الشغل مية بالمية بس لما يكون هو مكلف انه يسوي الشي يخربط ويقعد ساعات لين ما يسويه
اتوقع هو مقتنع بقرارة نفسه فيه سوء تصرف
يعني لو انا شايفه كل قرارته سليمه ماكنت بعارضه او اقول راي
لكني اشوفه يحتار ويتردد كثير واغلب الايام ياخذ بشوري وانا الي اقرر له
خل نفرض بيشتري غرض معين للبيت يتصل علي مليون مرة
وش لون وش شكل لقيت كذا وسويت كذا وكم العدد وماحتفرق اذا جاب اي شي اقوله اي شي يزعل
فاضطر اني اقوله التفاصيل
او اطلب شي بعينه واقول ابغا كذا او احتاج كدا
اما اذا كان هدية او شي كبير يسال ويتحرى ويفكر ويصير شغله الشاغل لين مايلاقي احد ينقذه ويقوله خلاص سوي كذا
وانا اكتشفت هذا من البداية ف صرت اختصر له الاشياء واعلمه بالخطط وش نسوي لاني لو تركت الموضوع عليه مابنسوي شي
وبيقلبها علي ويقولي انتي ماطلبتي شي
وانا ماطلبت عيدية الا بناء ع الي قلت لك من طبعه انه مو متعود يسوي الشي من نفسه
الله يصلحه ويشرح صدره


اختي شوك
اشكرك ع صراحتك معي وشكل فيك شوي من جفاوتي وقساوتي

زوجي من تزوجنا ماعطاني لا هدية ولاشي مع اني موظفة ومريحته كثير ف مصاريفي الشخصيه
فالمفروض يستغل هالمناسبات بانه يعوضني
قرب ع العيد يومين وانتظره يقولي اشتري للعيد ماقال
اضطريت اساله متى بنشتري للعيد
جوابه كان ماتوقعت تبغين تشتري قلت يمكن تشتري بعد العيد او اي شي يعني عذر غير واضح

قلت له طيب ما اشوفك سالتني عشان تعرف انا كنت بشتري او لا قال كنت بسالك ومابقى ع العيد الا يومين
ولما جيت بشتري اعطاني بس خمسمية ريال !!

اما بالنسبه للهدايا انا من بعد ماتزوجنا جبت له اكثر من هدية احيانا اطلع السوق القى شي يعجبني اجيبه له
لكن ماحس ينبسط فيه
اخر هدية جبتله من العمرة مع انو كنا متخاصمين وشريت له هدية واعطيته بعد ماتصالحنا تصدقي لو قلت لك انو للحين ماستخدمها ولا حرركها من مكانها!!

ومرة اعطيته كتاب رومنسي شريته من المطار واهديته ف الطيارة عشان يتسلى فيه شاف الخلفيه حق الكتاب فيها قلوب وحمرا صرخ علي خبيه خلاص نشوفه ف البيت
والى يومك مافتحه ولا يدري وش فيه!!

اما للعيد فكرت اهديه بس قلت خلاص مابي احسسه اني افضل منه كل مرة اهدي خلي اعطيه فرصه هو يعطيني وللاسف لاحياة لمن تنادي!!

لما شفته مطنش سالته عن عيديتي وهديني وبعدين قوليلي كيف يجي الطلب غير الطريقة المباشرة وخصوصا ماشخصية زوجي ماينفع غير الاسلوب المباشر

لو بقوله مثلا صديقتي جاب لها زوجة هدية بيقلب علي للبيت ويسكت وقتها ويخزنها ف قلبه بعده يقول مو معيشنا ف نكد الا سماعك لقصص الناس انسي تلاقين الاشياء الي تسميها عندي!!

تخيلي حالي ماعتقد بقى طريقة ما استخدمتها غير الي قاعده ادورها عندكم وانكم تساعدوني ف اسلوب التعامل مع شخصية ك شخصية زوجي الله يصلحه

مسز داني
هذا هو حالي ردة فعله والله مالها مبرر
وانا بصراحة من النوع الي متعود يقول الي ف خاطره
وما اتعب الشخص الي معي واحيره ف سعادتي
والله امس اشتهيت علبه بيبسي وكنت عند اهلي وعندنا عزيمة كبيرة رجال وحريم ناديت ع اخوي بصوت عالي من جهة الرجال
واحد من خوياه قاله اختك تناديك اخوي جا يقول وش في
قلت ابي ببسي
ضحك قال كل هالصراخ عشان بيبسي قال ابشري بجيب لك وجابه ف غضون دقايق وهو عنده ضيوغ

هالموقف يتكرر كثير مع اهلي وقدام زوجي فالزوج الذكي الي يهمه سعادة زوجته بيرفر لها احسن من بيت اهلها لكن زوجي يسوي العكس بزعم منه اني متدلعه ولازم اتعود ع الجفا والقساوة

طبعه غريب سبحان الله


ام مريمي الله يسعدك ياختي

انا بعد ماشوف ف اسلوب ثاني للطلب غير التصريح بدلع وتودد
اسلوب الكتابه جربته وحطيت جدول بس ما التزم فيه
كان ف فتره اطلب طلباتي عن طريق الواتس عشان ما اتصادم معاه وتكون طلبات ضرورية للبيت بس قوليلي لين متى
الطلب الصريح يشوفه تنقيص بحقه وانه مقصر
طيب سوي الصح وكملي كل شي عشان ما احسسك بالتقصير لكن لا اعرف كيف يفكر حيرني

كوكي
معاك حق ق السيارة يجيه جنونه وف البيت يسوي انه مركز مع التلفزيون او الجوال لازم اعيد عليه كم مرة بعدين يعصب يقولي ليش تزنين
اقوله لانك ماقاعد ترد تسمع ووتطالع ف التلفزيون وش اسوي!!


احبك ربي
الله يجزاك خير وكل عام وانت بخير
زوجي فعلا مقصر وواجهته مرة وقلت لها كل مشاكلنا هذه بسبب تقصير ف حق الله
ومرة وديا قعدت اكلمه واقوله حبيبي لو صليت ربي يوفقك وييسر امورك عصب وقالي مين قال اني مو موفق قلت انت موفق بس اكثر والله ماعرفت وش ارد عليه حسيته مثل الاطفال

حاولت اكون معاه وين ماراح بس امل من تصرفاته زوجي شيطانه قوي مرة احسه مايملك نفسه تارك نفسه لهواه يقعد بالساعات ع التلفزيون ولايمل اني كل دقيقه اقوله قوم صلي ووننام
مستعد ساعات يقولي طيب ولا يقوم حتى مايقول عشان خاطرها مو عشان الاجر مافي هذا الشي ابدا

الله يفرج همي وسبحان الله هذه الدنيا ابتلاء لاني ماتوقعت ولا مرة ف حياتي اني اطيح هالطيحة مع بني ادم مثل زوجي طول عمري كنت مرتاحة ومبسوطة افكر لمستقبلي بكل تفاؤل وحب ورضى رغم وجود العقبات لكن كنت دايم متفائلة لكن الان لقيت من يشغلني عن نفسي وعن حياتي وخايفة يشغلني عن ربي بتقصيره وعناده لان الابني ادم ضعيف ومحتاج الي يذكره كل فتره والثانيه فمابالك بالي يحبطه ويكسر مجاديفه
الله يثبتني ويفرجها علي