السلام عليكم ورحمة الله وبركاته
كيفكم .؟
يسعد صباحكم بكل خير ..
انا طالبة ادرس وآخر سنه لي بالثانوية. .
بداية قصتي جت ف الاضافه ف الاستقرام بعد م كلمة بنت خالي أن اسوي لها حساب ف الاستقرام
عطيتها حسابي لأجل تضيفني بعدها بأسبوع وقت الاختبارات أو قبلها جتني إضافة ف الاستقرام وسويت قبول صار آخوها سوا لايكات وبعدها نزلت البي بي ام تبعي بس يوم كان تحدي من صديقاتي وم كان عندي إلا إخواني وهو ف تفاجئت بعدها ب 4 آيام
اضافته لي .. بالبداية كلمته قلت هلا من معي قال انا ولد خالك كذا وكذا خليته عندي م أحاكيه بس مجرد احدث وكل حاجه المهم كلمني يسأل عن اخباري ورديت عليه وسولفنا
سوالف سطحية .. المهم أهو كان آخر سنة له بالجامعة باقي له شهر ويتخرج وكان كل م دعيت له بالزواج يقول امين ويروح يحدث ويكتب ( إلهي اجعلها من نصيبي) تكلمنا بالزواج قلت صاحباتي تزوجو السنه الجايه الدور علي بإذن الله قال ليه مخطوبه؟ قلت لا وانا سبق أخته كانت تقول ان خالتي تبيك لولدها قلت لها لا انا توي صغيره ومافكر بالزواج بعد م اتخرج من الثنوي .. المهم انا بعفويه قلت له يعني سوالف عادية وقال الله يوفقك .. وقال انا انتظر اتخرج وعلى طول بروح لبيت البنت الي أبيها وان شاءلله تكون من نصيبي.. قلت أن شاءالله .. بعدها انعزمنا ف بيتهم وكانت خالته فيه وبناتها كلمني وقال اذا فاتحوك بموضوع خطبه قولي اني محجوزه استغربت ؟ قلت يصير خير
بعدها جا تاريخ 13 من شهر 7 يوم التخرج وهو كان واعدني انه يقولي كل شي بعدين قال اذا استلمت الوثيقة بقولك المهم استلمها وقبلها قلت له انا حلمت فيك وقال وش الحلم وخبرته بالحلم أن وقتها جالسه مع أمه وخالي وكانت أمه تقوله بخطب لك بنت خالتك وانا كنت اكلم اختي ويوم سمعت تضايقت وبكيت فسرته عند شيخ وقال هذا رزق وخير لك بإذن الله بعدها قال إنه يحبني وكان يحبني من سنتين ولا يدري كيف يقولي وكان يقول اني كل يوم ادعي انك تكونين من نصيبي ويبعد عنك عيون الناس وكل م قالو لي انك انخطبتي اتضايق لاني ابيك ووقتها اني جامعي م معي وظيفه بس الحين تخرجت وانتظرك تتخرجين عشان اجيك واخطبك وكان يقول وقت م تتكلم اختي ارتاح لما اسمع اسمك وهم خبرني انه قدم ع كذا شركه وقبلوه ووقع عقد وقال اني ابي اعيشك زي عيشة اهلك وأكثر ابي اسعدك وقال كل شي يعني معقوله فيه أحد يحب ويكتم حبه سنتين ؟حتى من كلمته لوقتكم هذا م طلب صوره. ولا يسمع صوتي ولا شي وحتى لدرجه انه صار يتقرب ل اخوي ويطلع معاه وكل حاجه
بس عشاني علاقته باخوي قوية وانا خايفه .. جاء ببالي اهله وخواته مدري كيف هل بيرضون فيني كزوجه ل اخوهم وبتمشي حياتي عاديه ولا لابد من عثرات .. متخوفه كثير .. ومتخوفه اني اتعلق فيه وبعدين م يصير فيه نصيب .. حتى كان يقول اني اول م شفتك ع طول صرت أفكر فيك ومن وقتها ادعي انك تكونين لي ومن نصيبي وربي يجمعني فيك تكونين زوجه لي ف الدنيا وحور عين بالجنة .. الولد م عليه يصلي ومحافظ ع الصلاه وبار بوالديه ولله الحمد وانا م اقولكم م اكلمه اكلمه بس للحين م رديت عليه اني أحبه بس حبيته حتى م وضحت له أي شي تجاهه مشاعري صوبه
وكل نهاية حديثنا دعوه أن ربي يجمعنا مع بعض ..♡
والجد محيرني معه وانا م ابي أتقدم خطوة واندم خايفه بكره انصدم من اهله أن م يبوني له وقال لي اعرف امي م راح تجبرني ع شي م أبيه وقلت م ابي انصدم انا راح اسوي حساب لذاك اليوم وش ذنبي أموت الف مرة عشان حبيتك وم نكتب لي نصيب معك ..
وانا الحين خايفه لو صار نصيب تصير حساسيه بين الام واختها . جالسه أحاول بقد مااقدر اني م اتعلق .. وخايفه لأن بتكون بدايتي غلط ونهايتي غلط وأتذكر الي تزوجت عن حب وتطلقت واتذكر خالتي حبت ولد عمها وجابو عيال وخذا فوقها وحدة وجتها حاله نفسية .. ابي نصيحتكم لي بدون تجريح .. ومشكورين