السلام عليكم ويسعد صباحكم
انا عندي مشكله وحده من صاحباتي لها فتره مومبينه
وشفتها أمس ويعلم الله حالها منقلب فوق تحت
قالت لي مشكلتها ..
من سنه تقريبا عبر الواتس اب رقم غريب وحادثها وقال لها انا ولد الجيران
انتي أعجبتيني وكل مره انتظرك تطلعين وانا كل يوم اشوفك وانتي تروحين المدرسة وترجعين قالت من وين لك رقمي قال أخذته من جوال اختي ؟ البنت عطته وجه
وصارت تشوفه وتقابله وحصل بينهم أشياء اعذروني لمسها بصحيح العبارة
بس ع كلامها كل شي سطحي .. المهم تقول اني كذا مره أقول ل أهلي بروح مدرسه تدرسني ابي فلوس تجلس ساعه معه وساعة عند المدرسه
وكذا مرة تطلع معاه قبل تدخل زواج أو شي تروح بالسيارة معه
وأنا كنت أعرف ونصحتها وحاولت اكلم أهلها بس خفت لأن أمها مريضة وحامل
وابوها فيه صرع الله يشفيهم ..
الموضوع ومافيه جا يوم شبكة وحده من البنات قبل الاختبارات احنا حضرنا كلنا الإهي
جت 2 ونص قلت ليه تأخرتي علمتني وقالت إن أمها درت وتبكي عندي انا م اعرف أتصرف كلمنا اخت صديقتي الكبيرة وقلنا لها عن الموضوع وحاولت ترقع لها
رجعت البيت أهلها خذو الجوال ومنعو عنها كل شي حتى طلعات م تطلع كثير
ولا تطلع لحالها طبعا أمها الي تدري بس .. بس المشكلة رجع الجوال لها وصار يكلمها قالت وينك قال اهلك درو عني اول شي فكر بنفسه ولا فكر فيها ويحلف ويقسم انه يحبها ومشكلة أهو عمره 23 ورمضان كل م طلعت للمسجد تلاقيه برا وكلمته قالت م عاد ابي اشوفك لاتوقف لي كل يوم عند الباب .. المهم بعد العيد رجعت العلاقه معه ولاهمها أحد ومشكلة الي يغبن تقول حلفت بالقرآن ل أمي اني م طلعت مع أحد وصارت اخت صديقتي الكبيرة قايله انها كانت عندي طول الوقت وانا بصراحه ي بنات احترت مدري وش اسوي نصيحة ونصحتها خيرتها بيني وبينه
مشكله انها صديقتي من أولى ابتدائي ..
مدري وش اسوي معاها تنصحوني اكلم أمها وجه لوجه واكلمها واخليها توعدني يكون كلام بدون ضرب أو أي عنف لأن أمها يوم درت قبل ضربتها .. وهل أقولها عن ابن الجيران أو اسكت .. ابي نصايحكم لأن انا بعد جاني ضرر من الموضوع
وانا حاولت استر عليها لأن من ستر ع مسلم ستر الله عليه ونصحتها وكل شي
بس أحس بالذنب اني ساكته ي ليتها تابت م تابت وودي اتكلم
من زمان بس م قدرت وحاولت أبعد عنها بس خايفه تضيع