نقطة مهمه :
زوجي من ديرتي لكن مو نفس قبيلتي كان يقولي انا تزوجتك غصب عن قبيلتي ودست عليهم ومادري شنو
بانه عندهم ما يتزوجون من برا وزوجته الاولانيه قريبته
وكثير جرحني بكلام عشان ماني منهم لكن سكت
وآخر مرة قبل يطلقني قالي زواجي منك وطا رؤسنا انا وأهلي بين قبيلتنا وجماعتنا ,يالله هالكلمه نزلت على مثل الصاعقة وانا قدامه ولكن سويت نفسي ولا كااااااني وما همني شي حتى هو استغرب
وجلس كل مره يجيب لي كلام يجرح وانا صابره يعلم ربي

انا حرقتي على نفسي من الظلم واني أخلصت له وطلقني بكل سهوله ونسي كل شي
لكن لو يرجع ويبي يردني أظن مارح أوافق لاني احس مره اني فرحت لفرقته رغم حبي له ومره احس تغلبني العاطفه والذكريات

هل رح أنساه
للعلم انا قبل يطلقني كنت احلم كثير احلام واضحه تدل على طلاقي واطنشها
واخر مره أمي حلمت عمتي ان عمتي تقول لامي بنتي فلأنه تطلقت لكن الحين انخطبت وبتزوج
أمي خافت ماقلت لي الحلم قالت لاختي
ويوم رسل زوجي الرساله أمي حكت لي الحلم

الله يبرد على قلب أمي قبل قلبي
انا اسفه اطول بالكلام بس افضفض سامحوني