السلام عليكم ..
انا انفصلت عن زوجي سنتين ونص ،،
كتا مضغوطه منه جداً بسبب اهله وكان له تصرفات جداً سيئه واخلاقه شينه جداً جداً حتى مايناديني باسمي باقبح الاسماء
اخرتها رحت لاهلي وهم بمنطقه ثانيه كانت للزياره فقط لمارجعت له بالطياره تركني بالمطار ولا استقبلني
كانت فرررررررصه كبيره لي اني اتركه ،،، لاني كرهته بكل ماتعنيه الكلمه وبصراحه من كثر شينه ماسال عني ثلاثه شهور الا سمعت انه خطب ويبي يتزوج وحده اقل مني في كل شي ،،، صراحه ارتحت منه وماتضايقت كثير يوم خطب بس خفت اكون انا السبب فما يوفقني ربي حاولت فيه بحيث انه يفسخ خطوبته ويرجعني ورفض تماما فخلعته لانه رفض تطليقي ووالله بعد زواجه بايام رجع وهو يبكي بعد سنه بالضبط وكان اخر شي اسئل عنه ولا عرفت لاني اهلي كانو يخبون عني لين ارسل علي زوجه صاحبه بالدوام وتفاجاءت وكان قمه الانهيار وطلق زوجته في البدايه ماكنت ابيه بس لان الوالده توفت بعد طلاقي فتغير وضعي عند اهلي وعندي بنت منه فبعد استشارات كثيره ووعود منه كثييييييييره بالتغير والندم رجعت



لكن بكل صراحه ندمت ندمت ندمت اني رجعت لاني ماعاد قدرت احبه يوم باعني بسهوله كنت فاهمه اني بنسى اللي صار لكن ماقدرت انسى سهوله طلاقي عليه
صح تغير للاحسن وانا ما ابين له بس والله والله والله لو الوصع عند اهلي زين وامي عايشه كنت تطلقت للمره الثانيه

زواج الزوج مو سهل ابد ابد جرح ما انساه وطلاقه كسر عيا ينجبر