03-12-2014, 05:32 PM
|
المشاركة الأصلية كتبت بواسطة Vanity
مستكثرين عليها ردة الفعل وانها تعصب؟ تركتوا كل شي الا انها ردت وتلفظت؟
حطوا نفسكم بمكانها وبلا مثالية! ومستكثرين انه جاي يراضيها بعد! تحاسبون على رد الفعل وتتجاهلون الخطا؟ شخص يخون مرة وثنتين وثلاثة وسيئ المعشر وعصبي تسبب لها بعاهة وتعب نفسي.. عطته فرص مو فرصة! ماذا بعد؟ تنتظر لين تفقد عقلها ولا يبلاها بمرض نفسي؟ رجعتي له او لا.. شوفي لك مصدر قوة ثاني وامني نفسك.. عمل او تجارة لان ابوك ماراح يدوم لك الله يطول بعمره لايكلف الله نفسا الا وسعها.. ولدك مثل اي طفل ممكن يتعلق بخدامة او اي شخص.. اذا حاسة ماتقدرين تكملين لاتحملين! حطي نفسك اولوية.. حقك على نفسك اهم شي الحين.. قيسي على ذلك مستقبلا تخيلي نفسك بعد 10 سنين وزوجك بنفس الطبع ومعك 4 اطفال فكري كيف حالك بهذاك الوقت؟ هل ترضيك ميزاته وتكتفين فيها وتقتنعين الى هذاك الزمن ومابعده؟ تقدرين تعطين عائلتك وتشيلينها بهذي النفسية المتعبة؟ تغيير شخص هو ضرب من الخيال.. لانه اذا ماتغير من نفسه مستحيل يتبدل حاله! فكري بواقعية.. في شي يستاهل -غير ولدك- تحافظين عليه؟ انتي اخصائية وتعرفين ايش اقصد.. تحرري من كلام النساء الانشائي محد يقدر يجبرك على شي.. ولا تلجئين لمخلوق لا أم ولا أب ولا أخوان ولا زوج ادعي ربي ينصرك ويريحك ويبعدك عن الشر ويكافيك اياه وناجي ربك باخر ثلث من الليل ان يكتب لك الخير ويرحمك ويطلعك من هالقصة سالمة سواء تطلقتي او لا |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري