01-01-2015, 09:04 PM
|
المشاركة الأصلية كتبت بواسطة .Queen
عارفة ياروح ..
لما اخواني راحو لهم يتفاهمو ... خرجو اخواني ... اخو زوجي الكبير كلم اخويا ... وقال كلام وخلو ان اسباب تصرفاتهم كلها انا السبب فيها .. واني انا الي ماتقبلتهم .. واني مغرورة واضحك على عاداتهم .. وقالو عن مواقف تافهه مرا حصلت بينهم ... وترجموها باسلوب خبيث ... انصدمت من الكلام الي قاله اخويا وبكييييييتت ... من المواقف التافهه ... مرا سارت عزومة عندهم ... وتعرفي كانت فيه صحون رز ولحم ... اختو قالت تعالي اجلسي هنا ... قلت لها لا بجلس هنا ... لان الصحن الي كنا بنأكل منو في رأس الغنمة ههههههه .. وانا مرا مااحب اشوف شكل الغنمة بالصحن استقرف بجد ... قامت قالت اني متكبرة ... واقرف من اسلوبهم بالاكل .. وماتحترم عادتنا .. ومااعرف بالواجب ... الموقف التاني .. اولاد اختو اعمارهم 14 و13 .. الاولاد لسا مايستحو ... انا لما اشوفهم اكلمهم ينتبهو لبناتي او اي شي ... وانا مااكلمهم إلا لانهم بالاساس لما يشوفوني يسلمو عليا ويتكلمو معايا ... قالو لاخويا ... اختك هيا الوحيدة ماتستحي من اولادنا الشباب .. مع اني انا الوحيدة من حريم اخوانهم .. الي مستحيل اكلم اخوان زوجي او ارد عليهم حتى السلام ... كلمتهم الشهيرة عني ... بنات المدينة فاسخين حيا ... اول يوم دخلت بيتهم ... اخوات زوجي تكلموا قدام اخوهم الكبير ... شكل ام ملك ( لها سوابق ) لاتفتكري زوجي مايتصرف ... زوجي تعب .. اخواته كبار وصلو للخمسين ... وانا ماابغى اتصرف بشي خلاص ... احتراما لحبيبي .. واحتراما لابويا ابو زوجي ... اول ماتزوجت ماما قالت ... دولا اهلك .. وام زوجك امك ... كنت انادي لام زوجي امي ... بعد المشكله الاخيرة وتأثرها بكلام بناتها ... قلت امي الوحيدة هي ماما .. مستحيل اناديها باأمي ... قبل شهر سارت مشكله كبيرة بين زوجي واخواتو ... لانهم تكلمو عليا ... زوجي جاني مهموم وتعبان وكسر جوالو ... انا ابغى راحة زوجي ... لكن صعب يقاطع اهله .. قبل الزواج كانو يد واحدة .. بعد الزواج تغيرو عليه .. حزنانه على زوجي ... ابغى اريحو .. احااااول اسعده بقد ماقدر .. اشوفو سرحان ويفكر كثير .. ماينلام اهله .. لمتى يستمر دا الحال ... الله يهديهم ويصلح الاحوال ... اسفة روح فضفضت بموضوعك ... |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري