في فكرة شائعة جدا عند الرجال وﻻ أدري عن السبب
إن اللي يعدد زوجاته يتخانقوا عليه
ويعيش شهريار!
ممكن أفهم ليش هالفكرة؟
حب الزوجه لزوجها وتدليلها له ماله دخل أبدا بكونه معدد أو زوج وحده
أخفضوا سقف توقعاتكم وخليكم واقعيين عشان ﻻتنصدمون
والجمال ياأخي ﻻيكفي ممكن ترتبط بأجمل الجميلات لكن مالله يعطيها حبك
ممكن تشوف نفسها عليك ممكن أخلاقها سيئه أو دينها ضعيف
ركز ع اﻷهم والشكل كلنا نحب الجمال ولو أطلقنا العنان للنظر ماراح نرضى أبدا باللي عندنا
الله يخليكم ﻻتظلمون الثانيات إذا زواجكم مو ﻷسباب قوية بلاش منه
دائما بمواضيع التعدد يكون التركيز ع اﻷولى والثانية إلى الجحيم محد يهتم
رفقا بالقوارير
اللي زوجتة طيبة يحافظ عليها واللي زوجتة سيئة يصلحها واللي محتاج أشد الحاجه للتعدد ﻷن زوجته هاجرته بالفراش أو غير قادرة ع اﻹنجاب أو تسكن في مدينة بعيد عنه أو تعاني من مرض ومايقدر يعاشرها نقوله توكل على الله والله يوفقك
ﻻزم يكون سببك قوي للزواج الزواج مش رحلة ترفيهية والخاسر اﻷكبر الزوجة الثانية ﻷنها الحلقة اﻷضعف والتضحيه فيها أسهل
بعد مايطيح اللي براس الزوج ويحس بتأنيب الضمير ع اﻷولى
للأسف شفت كثير رجال متساهلين بموضوع التعدد
أنا مش ضده على فكرة أنا معاه ومن مؤيدين التعدد وكنت زوجة معدد
لكن هاذا مايعني إني أقول ﻷي واحد روح تزوج مثنى وثلاث ورباع
ﻻضرر وﻻضرار وكل واحد أدرى بوضعه ونفسه وحياته
قبل تقدم على أي شي فكر مره وثنتين وثلاث وأحسبها صح
عشان ﻻتطلع من الموضوع خسران كل شي