أنا عضوة جديدة في المنتدى وأرجو منكم المساعدة أنا زوجة ساكنة مع زوجي في بيت أهل زوجي قبل يومين واحنا نريد اكل الغداء زوجي ما عجبه الأكل يقول الأرز فيه ريحة وطعم صابون وبدأ يصرخ علي قدام أم زوجي وأخت زوجي وزوجها وعيالها إني أنا مهملة وكلام كلام كثير وأنا مارديت عليه لأني بنت ناس ومتربية مع إني كنت راح اموت وكنت راح أبكي وأنا قاعدة بمكاني ولو أني رديت عليه كانت راح تصير مشكلة كبيرة وأمس بعد لما كلا الأرز قام وقال للشغالة خذيه وارميه لأن فيه ريحة وقالي لاتستخدمين هذا الأرز مرة أخرى،مع العلم بان الشغالة هي إلي طابخة لأني أنا موظفة وماعندي وقت علشان أطبخ إلا في العطل وزوجي ماياكل الأكل البايت في الثلاجة علشان أطبخ أنا من يوم قبل. وعلى فكرة في اليومين خليت اهل زوجي يذوقون من الأرز وقالو ما فيه ريحة.طبعا أمس واول أمس حاول يكلمني ماعطيته وجه وقالي اذا ماكلمتيني انت الخسرانة وانا ما كلمته لأن ابيه يتعلم أنه غلطان ويعتذر. والصراحة انا محترمة زوجي وأهل زوجي وايد وأقوم بكل شغل البيت لوحدي من شراء حاجيات ومن ذهاب للسوق والطبيب وأي شي للبيت انا أقوم فيه لأن زوجي عنده عمله الخاص إلي يداوم فيه الصبح والمساء وماعنده وقت. ألحين انا ماني عارفة شنو أسوي معاه لأني مااحب أزعل معاه وايد لأن الزعل بيجيب زعل ومع ذلك مابي اكلمه عشان يحس في غلطته ساعدوني بسرعة.