حياكِ الله يابنت الطيبيين

تعليقك اعجبني حيل بس والله هالأساليب ماتمشي على أمي

قسم بالله لتغرقني بأدعية الله أعلم تكون فيها نهايتي

بعدين وش بيقنع الولد لو سويتها أول مرة مع إني ذكرت في تعليق سابق على احد الأخوة إني أخذته عندي البيت وقامت الدينا وماقعدت للحين

المشكلة حتى هو مغسول عقله ، ألاحظ فيه يكون يقول كلام ويتراجع فيه فجأه وكأنه مهدد

مرة يخاطب زوجتي يقلها خالة فلانة ثم بنفس الوقت يغير رأيه ويقولها قصدي ماما مع انه كان دايم يناديها ماما ومتعود على كذا

ومرة نفس الشي قدام الوالدة يقولي وين فلانة ، أنا زعلت وقلت ليش تسأل عنها بإسمها مين علمك تقول كذا قال أمي ( يقصد والدتي ) وأمي جلست تبرر انه مش صحيح وانا سويت نفسي ان الموضوع عادي علشان ماحرجها

بالنسبة لسؤال شيخ قبل فترة سويت هالشي ونقلت لهم كلامه وكانوا يقول هو وش دراه بالوضع مع اني شرحت له كثير من التفاصيل لكن مأعجبهم رأيه وخصوصاً على موضوع انه يطلق على زوجتي ماما بحكم ارضاعها له وعلشان مايشعر بالغربة بين اخوانه وخصوصاً اذا قدر الله وسافر معي عند أهل زوجتي يحق له الدخول على خواتها وأمها وأن رأي الشيخ ان هذا هو الصحيح وأثنى على ذلك لكن أهلي هداهم الله مأعجبهم هالكلام نهائياً وقالو راح يتشتت عقله كم بيكون له أم وهذا مبرر ماقدرت استوعبه ليومنا هذا

على العموم ماقصرتي على تعليقك الطيب ودعائك الأطيب جزاكِ الله كل خير

__________________
❤سبحان الله وبحمده ❤
عدد خلقه • ورضا نفسهِ • وزِنةَ عرشهِ • ومِدادَ كلماته