تطنيش زوجي وأنا اصيح من الالم - منتدى عالم الأسرة والمجتمع

22-04-2015, 09:26 PM

#11

لست كغيري*

عضو مثالي

تاريخ التسجيل: Jul 2012

المشاركات: 2,540

رد: تطنيش زوجي وأنا اصيح من الالم

بعد نصيحة الاخوة في المنتدى بنسبان ال5الاف اللي اخذها .. رجعت الامور الى الافضل بيننا.. بس الجمعة الماضي عرفت بالصدفة انه حصل على مبلغ مادي من عمله السابق كان يطلبه منهم.. انصدمت مابلغني بهذا الموضوع مع اني مااخبي عنه شي وايضا رغم انه حصل على المال مارجع لي فلوسي ولا اعطاني قسط السيارة لهذا الشهر .. سألته بهدوء وليش ماعطيتني القسط مادام الحمدلله جاتك فلوس ؟ قال في الف شي يستنى هالفلوس.. قلت وليش ماعديتني من الف الشي اللي يستنى ولا نسيت انك وعدتني تعطيني القسط شهريا.. طبعا زعل واحتدمت الامور بيننا وقال انتي فيك وانتي فيك واحمدي ربك الف مرة اني تزوجتك .. قلت صدقت الحمدلله .. روح تزوج وشوف من بيصبر عليك مثلي.. قال الف بنت تتمناني .. رجعت البيت نمت في الصالة قال بدأ لعب الاطفال ادخلي نامي جوه .. قام طلع برى البيت وقال بترك لك البيت خذي راحتك.. ارسلت له رسالة ارجع البيت انا بطلع .. وانا قصدت اخلي لك البيت اذا تزوجت تاخذ راحتك مع عروستك.. ومن الجمعة الى اليوم الوضع ماصار يحتمل .. احاول الطف الجو مع اني مجروحة منه بس هو مكبر رأيه ويحاول يستفزني قد مايقدر.. حتى موضوع تطنيشه لي لما مرضت بعد اللي صار بيننا يوم الجمعة،،

طبعا كنت تعبانة اليومين اللي راحت وماقدرت ادخل اوضح الموضوع..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 07:45 AM.

روابط سريعه