كنافة حبيبتي ،، اعطيه وقته وهو من نفسه بيحس بشي غلط بحياته النفسية والجسدية وبيحاول يتغير ...
انتي بس عليك تدفعيه لهالشي من غير مايحس وكانه هو اللي فكر بالامر وقرر ،،، لاتضغطي عليه وكفاية ملام ،، زوجك المناقشة والمصارحة معه يعتبرها مشكلة وانانية منك مثل اللي يقول انا مقدم لها كل شي وبعد تطالبني اكثر ! ..

انا ماكنت ابغي اذكر هالمثال ولكن احد ازواج خواتي فعلا هكذا ! ونفس جملة زوجك ! ماتتادبون الا بهالطريقة وايضا يهجرها بالشهور من غير وجود اي مشكلة فعليه وبالاخير يتضح انه حامل عليها لموقف حصل صار له شهور ودهور ،،،

تعرفين شنو كان الحل ،؟ ،، ببساطة طنشت وقامت تتغندر وتدلع نفسها وكل ماشافت نفسها بالمراية تمدحت بخصالها امامه من غير ما تحسسه ان طالبة هالامر يعني باسلوب التمنع وكانها مشبعة ... تقوم بكل واجباته مع الابتسامة وكل امور الحياة وتسوي كل طلباته ولكن بموضوع العلاقة الخاصة ابدا ما تبين له رغبتها بل العكس ،،،

زوجك شاف تاثير الامر عليك فصار يجيك من اليد اللي تعورك ! يخليها شماعة ...

اصبري عليه حبيبتي ،،، وممكن يكون صادق او كاذب في الخيارين هناك مشكلة كامنة تحتاج للاصلاح ... فحاولي ولو بطريقة غير مباشرة انه يشوف حساب دكتور نفسي او رقمه واذا سال لمين قولي لصديقتي محتاجته لمشكلة تمر بحياتها الزوجية وطلبت مني اسال لها عن دكتور ممتاز بهالامور ...