السلام عليكم ورحمة الله
اخواني سبق وكتبت عن موضوعي وطلاقي بالموقع

والحينه موضوعي اخذ منحنى جديد

راح اشرح موضوعي بالمختصر
تزوجت انسانه احبها وتحبني
ولا اعلم ايش اللي صار لي ولها وبعد شهرين تطلقنا
وكل هاذا كان بسبب الشك وتدخل اهلها وامور احس اني استعجلت وكنت متهور ولا فكرت

طبعا بعد الطلاق سافرت من السعوديه لامريكا دوره ولي الحينه عشر شهور

طبعا تعبت وربي تعبت ببعدها عني والله تعبت ووصلت لدرجة اني انعزلت عن العالم واربع وعشرين ساعه مكشر
وطفشان
مرت اكثر من اربع شهور وانا على هالحاله
طبعا اختي راحت وخطبت لي صاحبتها وانا ما اعرف وما خطبتها بس سالت البنت وسمعت بالكلام طليقتي
مع العلم انها ليست من قبيلتي
وبعدها كلمت البنت وقالت لها كلام كثير عني وكذا
اختي قالت لي والبنت كلمتها وقالت لها الكلام وقالت انا تهاوشت معاها وانا اعرف اخوك ولا علي منها وهي مو صاحيه
المهم قالت لي اختي وقالت شفت اللي تحبها ايش تقول فيك وكذا
انا ملغي سالفت الزواج نهائيا نهائيا
لاني مستحيل اتزوج انسانه على حساب انسانه ثانيه
المهم بعد السالفه باسبوعين جاني اتصال واذا بها طليقتي
طبعا انا ما قدرت اقاولم وكلمتها
المهم بالاخير انا وهي اعترفنا بخطائنا وكل واحد ندمان ندمان
المهم انا مطلق بالثلاث وطلعت صك
المهم قالت موضوع سحر ومدري ايش انا من الناس اللي ما يامنون بالاشياء هاذي
وكلمت الافتاء ورفضوا يقولون صك خلاص ما فيه رجعه
مع ان الطلاق حسبه الشيخ طلاق بائن ثلاث طلقات لاني ارسلت لها انت طالق ثم طالق ثم طالق وكان عليها الدوره وطلقت وانا غضبان

المهم كلمتها وحاولت اقطع علاقتي معاه وجلست تترجاني وانا اتالم
المهم ابعدنا حوالي شهر
ولكن لاسف لا قدرت اقاوم
والله اني حاولت وحاولت وحاولت
ولكن والله مو بيدي احبها وربي احبها
واالله ما ادري ايش اقول ولكن تعبت
انا رجعت احبها اكثر من اول
وهي نفس الشي
وقلت اذا رجعت السعوديه اروح لشيخ واحاول

والله ذبحني التفكير وانا مضغوط علي اهلي كل يوم مكلميني عن الزواج
وابوي ناشب ولاسف زعلان علي
لان عمي وناس ثانين كلموه وقال لي وانا رفضت نهائيا
وهو راكب راسه الى اذا رجعت تتزوج
وانا وعدتها ما اتزوج غيرها ولى انتظرها لين تتزوج
وانا تعبت والله
ما استغني عن رايكم
ونصيحتكم
او اذا فيه احد عنده علم بالطلاق






تم تغيير العنوان ليتناسب مع المضمون