السلام عليكم ورحمة الله وبركاته

إخوانى وأخواتى .. ياريت تساعدونى فى أمر ( أخت زوجى )

هى البنت الوحيدة وأصغر اخواتها الرجال

مدللة جداً من الجميع

مشكلتها معايا إنها مش مفهومة .. مرة كويسة ومرة وحشة

مرة توصل ومرة تقطع .. مرة تقول كلمة حلوة .. ومرة تقول كلمة مفيش مخلوق يتحملها

إنسانة مزاجية جداً ..

ممكن تصحى من النوم مقررة إنها متكلمنيش

تعاملنى بمنتهى الكبر

عايزة الكل يكون خاضع لها حتى زوجات أخواتها

المشكلة إن زوجى كان نور عنيها وهو شاب ومرتبطة بيه جداً .. مع انه أكبر منها بسنين

وبعد جوازنا .. لما شاف بنفسه تصرفاتها الغريبة معايا .. حاول ينصحها ويفهمها إنها لازم تحترم زوجته احتراماً له

وهى لا حياة لمن تنادى

تصرفاتها مش معايا وحدى غريبة .. مع الكل .. والكل بيتقى شر غضبها .. وشر دلعها

حاولت معاها بكل الطرق وفشلت

فتحتلها قلبى وكنت بكلمها يومياً شيئ أساسى .. وبحكيلها عن أمور بيتى وخططى أنا وجوزى

والله العيبة ما بتطلع منى فى حقها .. رغم انها اصغر منى .. لكنى حريصة جداً على إرضائها

لإنى بحس إنها فى إيديها زمام أمور حمايا وحماتى

هدايا واشتريت , كلام زى العسل وقلت , مببخلش عليها بنصايحى وتجاربى وأبداً ..

وجوزى دايماً بيتواصل معاها .. يعنى ما قصرش فى حقها بعد جوازنا

متجوزة ومخلفة .. يعنى معندهاش عقد نفسية مفروض




قولولى أعمل إيه .. أتعامل معاها ازاى ؟

نسيت أقولكم إن جوزى ربنا يخليه منصف جداً .. عمره ما جه عليا ولا جه عليها

وبشهادته .. انى عمره ما جاله منى شكوى من أهله

بالعكس التصرفات الصعبة بتيجى عن طريقهم هما .. لأنه بيشوف بعينه

أنا عارفة إن حمايا وحماتى خط أحمر .. مهما عملوا وقالوا .. فواجب عليا احترامهم وبلع كل مواقفهم

لكن أخته

البنت الصغيرة اللى شايفة نفسها دى

التعامل معاها بيكون ازاى ؟

بحس إن تصرفاتها بتضغط على أعصابى ودايماً عملالى توتر نفسى

وده بيأثر بالسلب عليا جدا ً فى علاقتى مع جوزى

لأنى مبكونش طايقة أسمعه بيكلمها وهى مزعلانى .. وده غصب عنى

أنا إنسانة صريحة .. ليا وش واحد .. مبعرفش أكون غير كده

لكن هى متلونة ..

بصريح العبارة ( هى شخصية مش مفهومة )



ساعدونى يا أهل الخبرة والتجارب أعمل إيه ؟