رد: إمكانية إستمرار العلاقة اذا انعدم التفاهم
ماشاءالله الاشراقة مع أني أشوف انك مايحتاج تاخذين الرأي انتي واضح راجحة العقل صائبة الرأي
بس حبيت أدخل أوضح شي
العيب مهوب فيك انتي والتغير مهوب من ناحيتك انتي
اللي يحتاج الى تغيير وشور هو زوجك
زوجك يالاشراقه حاس انه غلط عليك في زواجه ويتخيل أشياء في راسه يمكن انتي ماجت على بالك
مره يكون حنون معك ويعطيك من كلام الحب أو يقبل عليك ويجبرك على العلاقة
لو رفضتي ومن خلال ردة فعلك معه يبني عليها ردة فعله شاف تجاوب انتي مازلتي تحبينه وانبسط ويطير في السماء وعاش يومه لازق فيك
واذا لاحظ عليك لو تكشيره بسيطه أو تعقيدة حاجب فسرها في راسه الف تفسير بانك بطلتي تحبينه أو انتي كرهتيه او تشمئزبن من العلاقة معه
مسكين زوجك جنا على نفسه قبل يجني عليك
تمنيت يوم هددك بالطلاق ثبتي وقلتي العصمه بيدك اذا انت ماتقدر تعيش معي وتحس ان فعلن حياتنا مع بعض صعبة الاستمرار خلاص انا ماراح أمنعك
صدقيني راح تأخذ حياتك معه منعطف اخر وراح يطلب هو منك حل موضوعه
والدليل قال لك في الطياره عن الطلاق يبغا يجس نبضك
ماشاف رد منك عادها مره ثانيه في بيت اهلك
برضوه ماشاف ردة فعل ولا يدري وش في رأسك
كان خائف ان قرارك يكون الانفصال عشان كذا ما تحمل ورجع لك مره ثانيه ومجرد مارفضتي مقابلته قام الفار يلعب في عبه ومكالمة الوالده زادت الطين بله
صار يرسل مسجات ويبين حبه ويستعطف ويذكرك بالأيام الخوالي بينكم
الكوره الآن في ملعبك اختي
آملي شروطك عليه وقول ليه اللي تبينه منه بكل جديه
بالاضافه إلا انك تحسسينه بقيمته عندك وحبك
بدون إسراف في المدح الوسطيه مع غموض
لا تحسسينه انك كرهته وماتحبينه بسبب زواجه يمكن يتصرف تصرف طائش تندمون عليه
ولا تشعرينه بانك تحبينها ولا تستغنين عنه يمكن يشوف نفسه ويثق انه ماراح يخسرك ويتصرف معك تصرفات استفزازيه تبقهرك
اللي يثبت كلامي طلبه منك ترك الوظيفه مع انه هو اللي شجعك على الدراسه والوظيفة
خائف أنها تكون من احد الأسباب اللي تخليك تستغنين عنه وتتركينه
حسسيه بحاجتك له وأنك ماتقدرين تستغنين عنه مع تحسيسه في المقابل انك قادره على الاستقلالية
خلي علاقتك فيه يغلفها الغموض
زوجك فاقد الثقه في حبك حاسس ان حبه في قلبك تلاشاء مجرد ماتزوج
بالعربي زوجك خايف من الوقت اللي يمكن تجين وتقولينها له انا مابيك وماحبك طلقني عشان كذا يتخبط معك بعد زواجه مابين حب رومنسيه وعصبية واستفزاز وغيره
يحاول يحرمك من الاشياء اللي يمكن تساعدك في ترك مثل الوظيفه العلاقات الاجتماعية يشغلك بأمور ثانيه مثل تحسيسك انك مقصره مع العيال وغيرها
مثل ماقلت فرصتك الاشراقه الآن أكسبي زوجك وقبلها نفسك وعيالك والله معك ياختي
25-06-2015, 04:53 AM
ضوابط المشاركة
العرض الشجري