دامك بتندبي حظك ع طول وماعندك ثقه بربي وع بالك الدنيا بتوقف كيذا
حتجلسي طول عمرك وانتي نادبه حظك ومتسخطه كيذا
وحتجلسي طول عمرك مقهوره ع نفسك انك تطلقتي وتشوفي غيرك ماشيه حياتهم الا انتي
يااختي ماعندك ثقه بالله
طلاقك والله العظيم خير لك اقتنعي ان ربي ماراد لك الا الخير وان ربي بيعوضك بخير وانتظري هالخير اللي راح يجي حتى لو طال انتظارك ..
مصونات الكل بذل جهد معاك ويعطيك من تجاربه
اللي كتب ونصحك الأغلب منفصل وذاق مر الطلاق مثلك
عشان لاتقولي مااحد جرب وضعي ومع كيذا ترجعي لنفس الموضوع ليه انا كيذا وانا ليه حظي كيذا ارجعي لمشاركاتك روحي لوحة التحكم وشوفي مشاركاتك كلها نفس المحتوى
ليه انا تطلقت ليه غيري عايش مبسوط انا كيذا
مصونات مافي سعاده بالدنيا كل اللي حولك مشغول بهم والبيوت اسرار
انتي تطلقتي ..
غيرك انحرمت من الذريه
غيرك ربي فتنها بالدنيا ولاهيه بها
غيرك ربي ابتلاها بمرض
غيرك عندو كل شي من مال وزوج واولاد بس مو مرتاح نفسيا ..
غيرك ربي ابتلاه بعياله اللي عندو مريض ولا اللي عندو العاصي الضايع اللي مو قادر يضبطه...
كل الناس ترا مشغوله بهم مافي احد بالدنيا ذي مرتاح راحه كامله ان صفت له يوم سائت له ايام...
مافي شي ثابت ...
شوي صبر الله يرضى عليك وثقه بالله وألتجاء لله تنحل امورك بأذن لله...

__________________
(سيدة الموقف)
لم ننساك ونسأل الله ان تكوني أنتي وأولادك بخير