مشكلة بعض الرجال الله يهديهم يعرف مدة اليد بس مايعرف اسلوب الحزم
الا هو تكلمها بكل حزم وشدة وجديه من غير عصبيه
بانك تعبان ..وخلاص من غير اخذ ورد بالجدال

وبعدين ياخي توك باول الطريق توك بادي بطريق الزواج
ياما بتشوف وتشوف

كلنا مرينا بايام تصرفنا مثلها وتهاوشنا مع ازواجنا ورفعنا اصواتنا وصكينا روسهم بس مامدوا ايديهم علينا ولا اشوف هالشئ عذر لمدة اليد

وكلنا عارفين قصة الرجل اللي ذهب الى عمر بن الخطاب ليشتكي زوجته اليه فلما قرب من بيته واذا به يسمع صوت زوجته وقد علا صوته

الزبدة
الزواج موب ايام ورديه ..والزوجه ليست روح بلا عواطف ومشاعر ناهيك عن ايام بالشهر تجيها تخلي النفسيه صفر المشاكل بين الزوجين واردة والخصام ورفع الصوت ايضا وااارد

لكن مايعني انك تمد يدك عليها كانه تضارب واحد بالشارع
ترا هي بنت ، انثى كل اللي تحتاجه منك شوية اهتمام وحضن وبوسه

والله وقسم بالله لو بدال مدة اليد ضميتها او عطيتها بوسه على الطاير ان تهدا وتسكت

الحل
اشتغل على الوتر الحساس على عواطفها
يوميا ارسلها كلام حب ورومانسي لين يطيح اللي براسها
ومن غير ماتطلب رجوعها للبيت ..لانها ماراح توافق
بعد فتره تكون هدات وبدت تسامحك اطلب رجوعها