السلام عليكم ..*

صباحكم ومسائكم خير بإذن الله..*


اخواني واخواتي انا اعاني من مشكله عائليه بين امي واختي المراهقه
امي عصبية مرا اصلا دايم معصبة اذا عصبت مني او من اي وحده من اخواتي تسب وتدعي وتضرب كمان ..
امي ببساطه صعب التفاهم معاه اذا صارت عندي مشكله اخاف اصارحها قبل شهر فسخ خطيبي الخطوبة وصار لها سبب جديد تعايرني فيه .. من كلامها لو انتي فيك خير ما سابك خطيبك مع انه شي مو بيدي وانا اتألم من هالموضوع كان نفسي توقف معاي هي كمان ..
ما عليه انا واخواتي الكبار نستحملها مهما كان هاذي امنا ..
لاكن اختي الصغيره لا .. في راسها معتقد ان اللي يرمي عليها كلمة ترد عليه بعشره واللي يمد يده عليها تمدها هيا كمان ..
حتى على امي ..
ودايم تقولي امي ما تحبني تكرهني وانا كمان اكرها ..
كل ما هديت علاقتهم ترجع المشاكل والصراخ لأسباب تافهه ما تنقال ..


حاولت افهمها ان هاذي امي وهي مجبوره ما ترفع صوتها عليها بس مو مقتنعه حتى انها تحب تقهرها بالكلام ..

انا تعبت والله صاير بيتنا ما ينطاق شورو علي ..