انا نزلت الموضوع بقسم استشارات وماحصلت رد حابه أنزله هنا لاني محتاجه ردودكم واسفه اذا نزلت مرتين

انا والدي متوفى بحادث مروري من 4 سنوات رحمة الله عليه
*وبعد وفاته تقريبا ب سنه خطبني ولد عمتي طبعا ماعرفه ولا يعرفني وعلاقتنا فيهم رسميه لأنه ساكن بدولة ثانيه ومانشوفهم إلا بالمناسبات بس الكل يمدح فيه وبالذات اخواني طبعا وافقت بس كنت متاخره بدراستي الجامعيه بسبب ضروف وبعد وفاة الوالد زادت الضروف للأسف وانا لاني أصغر البيت ف كنت متعلقه بالوالد كثيييير رحمة الله عليه ف اهملت بدراستي بعد وفاته والله كنت اداوم ونفسيتي يرثى لها ..

المهم بعد خطوبة ولد عمتي وافقت مثل م قلت دراستي هي العائق ويمكن سنه أو سنتين بالكثير واتخرج بعد كان عندي مشكله صحيه استدعت اني أسوى عمليه وطبعا كل هذه الأحداث ماكان عارف فيها خطيبي لأنه مانتواصل مع بعض بسبب( العادات والتقاليد )
طبعا اخوي قال لخطيبي عن سبب تأخير الزواج بسبب الدراسه وهو وافق ينتظرني ماعنده اي مشكله
*وبعد ست شهور خطوبه طلب انو نكتب كتابنا ( الملكه)
وراح يكون الزواج بعد سنه ونص أو سنتين ع حسب التخرج .. ( حاليآ تمت للملكه سنتين )

وانا في ذيك الفتره كنت حابه اشوف صوره له وافهم تفكيره وأخذت حساب خطيبي بالانستقرام من حسابات اولاد عمي لأن بينهم تواصل ودخلت حسابه ع أساس اني شاب
ف صرت اراقبه ومشتاقه اعرف عنه شي تفكيره واهتماماته وميوله وكانت صفحته عاديه كلها أذكار والحمدلله مافيها اي شي مو زين

بس المشكله الحسابات المضافة عنده اغلبها* ( اباحيه) في البدايه انذهلت ماتوقعت هذا اهتماماته بعدها قلت عادي شاب واللي يسويه طبيعي بكرا يتزوج ويتغير*
الغريب بالموضوع انه مرت سنه واظافاته كل يوم يزيد عدد الحسابات وكانت حسابات بقمة القذاره.. أتمنى فهمتوني ف كانت الحسابات عباره عن بنات يعرضو أنفسهم ويتواصلون بنفس المنطقه اللي ساكن فيها ف خفت انه يتواصل ويمارس الجنس معاهم
*
*ف سويت حساب نفس الحسابات اللي عنده وكتبت نفس دولته كنت بشوف هو يتواصل ولا مجرد تعارف اكتروني

طبعا اضفته وباقل من الثانيه قبل الاظافه
*ع طووول واظافني بحساب ثاني هو مسويه
يعني معاه حسابين واحد رسمي كله أذكار واستغفار وحساب يتواصل فيه مع البنات

بعدها نط خاص وقالي أنا جااااد وعندي بيت بروحي
انا انصصدمةة وماتكلمت وصار يقول لاتخافين البيت موجود وفاضي وراح تشوفين بنفسك
*(وفعلا اهله كانو متواجدين بالسعوديه وهو كان معاهم)بس قال يومين وراح ارد للمنطقه وصار يفكر ويخطط حسيته داهيه
وطلبت منه صورته(لاني بتاكد انه هو مابي اظلمه)
وصرت اقول يارب يطلع مو هو بس للاسف طلع هو*
*وأرسل صورته وكان مصور بدون ملابس يعني طالع صدره ووجهه*

وربي هنا خلاص م قدرت استحمل اكثر وصرت ابككككي معقوله هذا فلان اللي الكل يمدح فيه حتي أبوي رحمة الله عليه كان يمدح فيه وبتربيته معقوله يسوي الغلط بالشهر الفضيل بششهر رمضان وربي ندمانه* اني وافقت عليه يكفى اني راح اتغرب معاه ومع كذا قلت عادي ولد عمتي ومستعده اضحي
واللي يقهر اني تعلقت فيه وحبيته بعد وفاة ابوي لأنه خطبني بعد وفاة ابوي ب سنه فكنت بهذا الوقت حاسه بالفقد وقلت بنفسي هذا الإنسان اللي راح يعوضني غياب أبوي واشياءءء كثير كنت راسمتها ب خيالي

بعدها رحت ل اخوي* وانا منهارهه وقلتله السالفه كلها ووريته الكلام والصوره لانو اذا على الحسابات عادي يتابع مالي خص فيه وهذا تعتبر حريه شخصيه بس أنها* توصل للزناء الله مايرضاها
وصار اخوي يهدي ويقولي لاتشيلين هم راح أتفاهم معاه *

وواجهه اخوي وهو انككر وقال مو هو اللي في الصوره واصلا هو مو راعي هالحركات ...الخ

*بعدها بيومين جاء عندنا للبيت عشان يفطر ومنها يلطف الجوء مع اخواني وانا بلحظتها من عرفت سوالفه صرت مأكل ولا اشرب لاني مقهورهه *

وهو جاء يفطر عندنا وكان محلق الدقن على أساس* مايشابهه الصوره ..

المهم كتبت توبيك بالواتس
*(حسبي الله وكفى بالله وكيلآ) لاني لحظتها كنت بجد مقهووورهه وصرت ارددها كثير كثير

وانا عارفه انه يراقبني بألواتس*
بس من جد انجججججرحت منه بشكل لايوصف حتي العيد مافرحت فيه وربي قافله على نفسي ب الغرفه ومالي خلق شي لأني كنت حاطه الأمل بالله وفيه اني أعيشه معاه حياة حلوه وانسي الأيام اللي عانيت فيها بوفاة أبوي رحمة الله عليه

*بس الفاجعه انو بعد العيد ب اسبوع سمعنا خبر سيء أنه*أخو خطيبي صار عليه حادث والحادث صار قدام خطيبي لانهم كانو على طريق سفر فصار في العنايه مدة أسبوع وأمس توفى الله يرحمه

وربي حزززززنت كثير ما ابي أحد يذوق طعم الفقد لأنه صعب خصوصا اللي جربه واخواني يقولون انو خطيبي وضعه صصصصعب ...الخ
خفت اللي صار لاخوه بسبب دعوتي مادري الأحداث قريبه لبعض وغير كذا لاني تعلقت فيه وأنجرحت جد جد أصعب أيام شفتها بحياتي ..

وحاسه بالذنب من ناحية خطيبي حتي مو قادره اروح للعزاء ولا قادره انسي اللي صار ..

تم تعديل العنوان ليتناسب مع المضمون