مبتعثة

انا راح اكمل باْذن الله .. و اكيد ان شاءالله خلال السنة هذه ..
هيأت كل ظروفي و جهزتها و الحمدلله ..

بس ( هل تضمني انه زوجي في الخارج ما يكون عون - علي - !!؟ )
ماني خايفة من الدراسة و لا الغربة .. لكن من المسؤولية الي راح تجي فوق راسي

و ان شاءالله راح اتجاوز اللغة .. بس لما اشوف ناس تتكلم بطلاقة تامة جدا ..
اقول بداخلي ( هل ممكن بيوم اتكلم مثلهم !؟ خاصة المصطلحات الأكاديمية )
بس ان شاءالله انها مجرد وساوس .. بسبب عدم ممارسة اللغة منذ فترة ..

.
.

و انا متشجعة اروح برة عشان أولادي .. و نفس الوقت خايفة عليهم ..
عشان يهمني الجانب الروحاني و الديني انهم يتاسسوا فيه صح ..
ابوهم طبعا ما يهتم بأنهم يتاسسوا في الجوانب هذه و لا يحرص على زرعها بهم ..
يعني حاله حال اغلب الناس ..

.
.

ابغى أولادي يتاسسوا على مبادئ دينية و تنزرع بداخلهم
ولدي الكبير بصراحة شخصيته الى الان ماشاءالله متاثرة من حياتنا في الخارج لفترة

لكن لا يعرف صلاة و لا يحب الأمور الدينية
و انا السنة هذه لازم اصحيه الفجر قبل المدرسة و اخليه يصلي معايا ..

.
.

و فعلا الدنيا خدتني بعد الماستر ..
بس كان لازم افهم الحياة الي انا عايشتها .. و أصير ذيبة عشان ماحد يدوس علي ..

انا في بريطانيا تبهدلت لاني احسب الحياة وردية
و رجعت و تبهدلت اكثر ..

بس تعلمت يا مبتعثة ..
تعلمت دروس هي افضل عندي من مليون شهادة ..

دحين صرت انا الي العب على الي قدامي ..
مو هما الي يلعبوا علي و انا بحسن نية أصدقهم و أفزع لهم ..
و كنت اداة سهلة للاستغلال ..

.
.

استفدت يا مبتعثة .. و استغليت السنوات القليلة هذه خير استغلال ..
كانت ( استراحة محارب ) و راجعة الان و بقوة الله ..

مرة شكرًا لدعمك ..