اعتذر عن ردي السابق ولكن بجد ترى احنا متضايقين من وضعك كثير وانا يوميا اشيك تطورات موضوعك ومتضايقة من طريقة تعاملك مع الموضوع بعجلة وتسرع ونفس قصير، فلازم اقسى عليك حتى تصحى شوي

اللي ودي تسويه حاليا معها انك ترسل لها رسالة حتى تنهي الموضوع حاليا لان ملامح المشكلة الرئيسية برأيي ضاعت :
السلام عليكم فكرت في كلامك كثير واستخرت ومستحيل أخليك في مقارنة مع اهلي كلكم لكم مكانة عندي وبيتي بيضل مفتوح لاهلي مثل ماهو مفتوح لأهلك ، بس بما انك ماتبين هالشيء تحملي اللي يصير والبنت أمانة في يدك لو صار شي بيننا وانا بفكر جديّا في وضعنا لاني مااتوقع راح نكمل مع بعض بالشكل اللي انتي حددتيه. واي شي تحتاجه بنتي مع مصروفها راح يوصلك بشكل دوري وبالنسبة لك للأسف انتي في حكم الشرع ناشز ومالك نفقة، للأسف ماودي الأمور توصل للي وصلت له لكن انتي خيرتيني فتحملي قرارك واذا غيرتي رايك البيت مفتوح لك مثل ماطلعتي بنفسك ترجعين بنفسك ومع السلامة


طبعا انت ترسل لها هالرسالة بغرض التخويف ومن بعدها التطنيش لو استمر الموضوع لعدة اشهر حط في بالك لان زوجتك نفسها طويل ولازم يكون بالك أطول منها، احنا مانبي الموضوع يوصل للطلاق نهائيا لكن لازم تشد عليها شوي

ولو حصل وولدت اثناء جلوسها عند اَهلها، تروح معاها وقت الولادة مع حرص شديد في التعامل معها وهو تولد واهلك يزورونها مع الهدايا ويقومون بالواجب معها, وياليت تجلس مع امك واختك برضو وتطلب منهم التعامل معها برسمية من الان فصاعدا افضل للجميع

وياليت تبلغنا هي في اي شهر حاليا؟
واعتذر لك مرة ثانية عن قسوتي في الرد والله يهدي مابينكم واذا تقدر تأخذ لك عمرة وترتاح شوي هناك افضل

__________________
ربي فرج همي ويسَر امري