المشاركة الأصلية كتبت بواسطة Meme_86

ولد الشايب كتبت في رد سابق انه حتى لو كانت على قيد الحياة لكان لي نفس الموقف مدري ليه مصر اني ابغاه الحين عشانها توفت
الرجال كان طيب وابن حلال ما قد جرحني وكنت اشعر معه بالامان يشبعني من كل النواحي يساعدني في تربية الاطفال وفي شغل البيت
وللاسف تركته بسبب سوالف حريم
يوم تزوج جلست معه 6 شهور قمة في العدل لدرجة انه اعرس يوم خميس ويوم السبت وهو عندي
كنت مجروحة وعايشة تحت ضغط نفسي فضيع بس كنت ماسكة نفسي وصابرة بعدها صارو شياطين الانس يجتمعون كل يوم عندي اتركيه اخلعيه تطلقي منه احفظي كرامتك وما تركوني الا يوم تطلقت
والمشكلة انهم ما وقفو معي يوم ربي بلاني بذاك الرجال وراني الويل
بس ما الومهم الغلط مني اسمعلهم
دايما عيالي يسالوني ليه بابا ما صار يجلس معانا زي اول وليه وليه والله ما اعرف ارد عليهم محملة نفسي مسوولية ضياعهم الحين