موضوع جميل وغالبا مايتم طرحه حتى في مجالسنا العائليه ..
اي سياحه داخليه اللي تتكلمون عنها بصراحه اذا تشوفون شيء ماشوفه مدري ؟؟؟
انا افضل داخليا فقط مدينتي الرائعه الجميله الرياض المولات والمطاعم والكوفيات والشاليهات العائليه متجددده ودوما تسعى لافتتاح الكثير من هذه المزارات .. وبرضو اماكن ترفيه الاطفال المنتشره بكل مكان وهي توفر متنفس اذا كنا بعيدين عن العطل والسفر ...
اما للاستجمام القريب دائما دبي الغاليه اول مانفكر فيه للزرقه انا وزوجي او اهلي .. ودبي هي الوحيده عربيا بنظري تستحق الزياره الباقي لا اجد فيهم الا القليل جدا من الاهتمام بالسياحه ولو وجدت سياحه وجدت مساويء تفوقها من جودة الفنادق او رداءة الاكل او الاستغلال المادي الصريح للسواح وهءا موجود لدينا وموجود عربيا لذلك نسعى للهروب من هذه الامور عالميا ..ودبي افضلها للاجازات القصيره وللويكند
لانها افضل وارخصصصص من احدى المناطق الساحليه لدينا التي توفر شاليهات مهترئه ب قيمه خياليه 12 الف ل6 ايام ؟ والبديل الخارجي 6 ايام ب 6 الاف ومرات ارخص اذا كان مو موسم ...
وينطبق ايضا على دول اوربا وشرق اسيا رخيصه جدا وجميله وبصراحه تستاهل كل ريال يندفع فيها جو وطبيعه واماكن للزياره وشوبينق وتمشي وكل شيء جميل موجود فيها لذلك مافي مقارنه بينها وبين الداخليه التي تغط في سبات عميق والاسعار تخلي الواحد يهون من اول ضغطة بوكينق مع اننا خارجيا نصرف اكثر ولكن لا تجدينا متحسرين لوجود المقابل
سعيده بالسياحه الخارجيه اكثر واطلب المزيد ولن افكر داخليا الا لما يتغير الوضع