كل عام وانت بخير ياهداية الله
بالعيد بالنسبه لي ولنظام بيتي
اصحى بدري قبل صلاة الفجر
اجهز الفطور
اجهز لبس ولدي الكبير وزوجي وابخرهم
اجهز لبس بناتي واكسسوارتهم واغراضهم
اخذ دوش ، اصحى زوجي وولدي لصلاة الفجر ،
يفطرو ويتوكلو على الله
مايرجعو الا بالذبيحه
الذبيحه يجيبها زوجي بكيس اسود كبير 😞😞
اكون موصيته يقطعوها قطع متوسطه
اقسمها بآكياس لحم ، نوزع جزء عندنا بالحاره والباقي يآخذه زوجي للمناطق الفقيره يوزعه
مااخلي منها للبيت الا حق طبخه وحده فقط
دائمآ يخلي لي الكرش والراس والمصارين 😭😭
بس مستحيل اكلها او اطبخها
احطها بكيس وارسلها لعمتي ام زوجي ساكنه جنبي
حاولت ببداية زواجي اسوي السنعه وسلقت الكرش وريحتها صرعتني صراحه
وقالي زوجي حكيها بالسكين ، حكيتها وطار منها الفتفيات بكل مكان بالمطبخ
وع شعري ولبسي ، حسيت بالاحباط ، وقالي نظفي المصارين الطويلها واربطيها بالكرش ؟؟؟
قالي حطيها ببزبوز المويه وكانت طويله وهلامية المملمس ، احتست فيها
تجربه عنيفه مع الكرش والمصارين ؟؟؟ بس الوكاد تووووووووبه
يحط لي الكبده ومعاها الكلاوي والقلب ، والفشه ---> هو كذا يسميها ماادري ايش هي اتوقع البنكرياس ؟؟
اتخلص من القلب والكلاوي والفشه هههههه ، واسوي مقلقل ع الكبده وشوي لحم مقطع صغير
ارسل لااهله وهم يرسلو لي ، ناكلها ع خبز الصاج او خبز الشراك
العشاء لازم وضروري ( منسف باللحم ) يمي مع الخبز الشراك والمكسرات والبقدونس
ونعزم عليه الي يحب يجي حياه الله
بس بالغالب مااحد يجي لاان الكل طابخ منسف😁
بعد كذا اتفضى لنفسي البس واتشيگ ، واسوي قهوه واروح اعايد ع اهله
زوجي وولدي يروحو يعايدو ع القرايب يرجعو قريب الضهر
ولدي بالشارع يطلع يلعب بالطراطيع 😁
بناتي ببيت جدتهم يلعبو مع بنات اخوات زوجي وعددهم كبير ماشاء الله
المغرب اروح بيت اهلي واكمل العيد هناك
الوالد اكون عيدت عليه قبل العيد بالليل
واعيد عليه اليوم الثاني بعد
الرجال يجتمعو ببيت والد زوجي
ونسوي لهم الشاي والقهوه والحلى والتمر ( معمول )
الله يامحلى لمة العيد وريحة القهوه والبخور
الله يعيده علينا وع الامه الاسلاميه بالخير والسلام يارب
وانتي ياهداية الله اعطينا ملخص عيدگ 😍
17-09-2015, 10:19 AM
ضوابط المشاركة
العرض الشجري