حبيبتي سقيا ربي يخليلك زوجك فوق راسك كل العمر
ايه صح معك هوي غالي وين ما كان
بس للصراحة بلبنان ما عجبني مع انو غالي كتير بسعر هون تقريبا
ما حسيت بطعمة وريحة الدخنة مزبوط فيه
وحتى هون مش الكل بنفس الجودة والنوعية
ان شاءالله اللي جابه زوجك يكون نوعية منيحة ومدخن عالمزبوط لتحسي بطعمته المزبوطة

المدخن اجمالا بيجي مقطع شرحات كتير رفيعة
اتأكدي اذا ني او مدخن
وبتاكليه عالتوست واكتر شي بيتاكل بارد
بتحمصي التوست الني وبعدين بتدهني عليه زبدة
وبتحطي شرحة السلمون
وعالوجه بصل جوانح وكبيس خيار واذا في كبار بيجي كتير طيب لانو بيجي مالح وحامض
وفيكي ترشي شوي حامض
جربي بدون حامض ومع حامض وشوفي شو بتفضلي
وكمان فيكي تلفيه عالخبز العربي مع رشة كمون وحامض وبصل
وكمان فيكي نفس طريقة التوست مع الزبدة بس بتضيفي على وجو جبنة شرحات وبصل وخليها تدوب وبعدين كبيس وكبار كمان طيبة
وفيكي تحطيه على خبز افرنجي طويل مع توم اللي بنعمله للفروج وكبيس وتحمصيه كمان كتير طيب
كان في محل هون يعملها بتجي كتير طيبة بس للاسف سكر وما عرفت وين رجع فتح
ومأكووول الهنا يا قلبي😚😚😚😚

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه