حياتي ام لما تسلميلي يا مذوقة 😚😚😚😚

هيدا الحلو بس عالوج عليها جوز الهند بس كتير سهلة وخفيفة ومغذية

هيدا الرابط للوصفة سبق ونزلتها بالشرح والصور

http://www.66n.com/forums/showthread.php?t=261046

بالنسبة للفاصوليا من عيوني حبيبتي
في حال بدك تعمليها مع لحمة فيكي تستعملي قطع كبيرة مع عضمها بتكوني مسبقا سالقتيهن
وفيكي قطع صغيرة بتقليهن قبل الثوم وفيكي بدون لحمة
وفي حال استعملتي قطع كبيرة مع العضم ومسلوقين مسبقا بتضيفيهن قبل ما تضيفي الفاصوليا بكم دقيقة

اول شي بتقلي شي راس ثوم مهروس مع شوي زيت ليدبل

وبعدها بشوي بتضيفي نص باقة كزبرة مفرومة كمان لتدبل شوي

بتضيفي ماي مع رب البندورة حسب كمية الفاصوليا اللي بدك تستعمليها

وبس تغلي بتضيفي الفاصوليا
ان كنتي سالقيتها قبل بوقت او بدون سلق بس بتكوني قبل بيوم ناقعتيها
واذا عالسريع بتستعملي علب جاهزة بس غسليهن منيح
وبتضيفي ملح حسب الرغبة وبس تغلي شوي بتضيفي الفاصوليا المسلوقة شي عشر دقايق الفاصوليا وبتتركيها تغلي مع الصلصة
وفي حال ما كانت الفاصوليا مسلوقة بتتركيها لتستوي بس رح تاخد وقت
ومن بعدها بتطفي وبتضيفي نص باقة الكزبرة الخضرا
وبتقدميها مع رز
وبتصير اطيب مع عصرة حامض اللي بدو بيعصر بالطبق
ويا اهلا وسهلا حبيبتي 🌷🌷🌷

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه