كيكة الشوكولاته باللوتس السهلة
السلام عليكم ورحمة الله وبركاته
زمااان عن هالقسم وصوره وتطبيقاته اللي تعذب النفس وتغويها بما لا يستطيع القلب مقاومته
جبت لكم طريقة كيكة سهلة جدا جدا واتوقع المقادير متوفره بكل بيت
اول شي للكيكة محتاجين علبة كيك شوكولاته جاهز من أي ماركة ولكن استبدلي الزيت بالزبدة والماء بالحليب لصنعها وقللي من كمية الماي بمقدار ربع كوب حتى تكون متماسكة اكثر.
تخلطين الخليط كالعادة وتضعيه في صينية الخبز
فوق الخليط اذا عندك بسكوت اللوتس اطحنيه مع شوية قيمر وحطيه فوق الكيك .. واذا ما عندك مثلي اطحني أي نوع بسكويت شاي مع ملعقة كريمة اللوتس وملعقة قشطة وصبيه داخل الكيكة بشكل عشوائي (بعد الخبز رح تلقيه نزل تحت ولما تقلبي الكيكة بتحصليه صار مثل طبقة علوية هشة ولذيذة)
خلصنا وقلبنا الكيكة جا دور الزينة
خلطتي كانت كالتالي
3 ملاعق زبدة اللوتس
علبة قيمر صغيرة
نصف علبة حليب مركز محلى
نقطة فانيلا
ربع اصبع زبدة لين
وبس اخلطيهم وحطيه فوق الكيك وانثري شوية بسكوت اوريو مطحون أو شوكولاته مبشورة
وهذه صورة الكيكة بعد القضاء على نصفها بصراحة كانت لذيذة لذاذة وسويتها عالبركة بدون مقادير معينة بس فكرة جات براسي وطبقتها واستغربت من الي يشترون كيكة اللوتس من التاجرات بمبالغ مهولة وهي أسهل من السهالة
__________________
اللهم ارزقني بالذرية الصالحة يا رب
26-11-2015, 09:56 AM
ضوابط المشاركة
العرض الشجري