بالبداية ...
مافيه اي انسان ع وجه الارض له يد بخير اصابك او شر
هم اسباب وعن طريقهم صار
اقدار الله مكتوبه والايمان بها من اركان الايمان

مو عيب تروحين لطبيب
ولكن اذا ماعندك اراده وايمان
مابينفعك أحد


من تجربتي بالدنيا ما اشوف انه عيب
اني اتطلق واتعثر واقوم
ولو شفتي قصص هنا بتقولين الحمد لله
تطلقت وهذي مصيبه
ولكن عندي اب عندي ام عندي اخوان
عندي بيت مصروف حياة اجتماعيه صديقات
شهاده دراسه عمل اي شيء
وقارني بين
الي عندك وبين ما اخذ منك
ثم قولي الحمد لله


تطلقت 3 مرات والاخيره كانت قاسيه
خرجت بولد والحمد لله خير خرج من شر

فقلت الحمد لله ع النعمه قبل المصيبه


اعرف اننا نتمنى لمن نشوف وحدة مكسوره
او مكلومه نلمها ونطبطب عليها ونواسيها
وناخذ بيدها

بس والله ماحد بينفع احد قد نفسه
في زمن سيطرت الـ أنا" ع الناس
كل احد انا انا انا
ومايفكر بالي حوله
فخليك قويه وجددي حياتك
وواجهي الواقع فقد وقع
وماينفع التذمر والوم والتشكي

ترا كل انسان عنده خير


اسأل الله لك الراحه والتوفيق لما فيه خير لك

__________________
لا اله الا انت سبحانك اني كنت من الظالمين
(‏يَقيني دَائماً مُعلق بَأن فِي الغَيب شَيء جَمِيل يَسْتحق الصَبْر)