المشاركة الأصلية كتبت بواسطة راعي حق

اختنا الكريمه انصحك باقفال ملف الماضي ثم حرقه ثم ذر رماده

كل مشاكلك تدور حول الماضي

كثرة التفكير في الماضي يستهلك عقلك وصحتك و قلبك


ماتقدرين ترجعين شخصية ابتسامه جذابه اللي كانت في الثانوي او في المتوسط او الجامعه .. ولن ترجعين..

لأن كل مرحله في حياتك لها حلاوتها ولها آلامها وأحداثها..


سامحي اخوك وتقبلي وجهات نظره ولا تعتبريها خطأ.. كلن له وجهة نظر

سامحي والدك واعلمي انه ما اراد لك الا الخير لكن الزواج نصيب حتى لو اخترتي زوجك بنفسك وكنتي ضامنه 100٪ انه يناسبك ممكن ماتتوافقون بعد الزواج ووارد يصير طلاق لاي سبب كان..

تقبلي نفسك وشخصيتك ووضعك كما لو ولدتي مطلقه


تقربي من الله اكثر واتركي المعاصي والتزمي بصلاتك واذكارك ولباسك وأضمن لك حياه ماذقتي مثل حلاوتها .. وأضمن لك سعاده ما شعرتي مثلها ..


أسال الله لك التوفيق والسعاده في الدنيا والاخره