السلام عليكم ورحمة الله وبركاته .

أخواتي انا قبل كم يوم دخلت محل قهوه حق جلسات قهوه عربيه .
طبعاً مو كوفي حق انواع القهوة والحلويات لا . بس قهوه عربيه وانواع الشاي وانواع الحليب
والبلايستيشن . والتلفزيونات زي الجلسات .


المهم قال لي انا ينقصني حلا اقدمه مع القهوه وانا مستعد أشتري حلا بس وين الناس
اللي يمولونني بشكل يومي ووراني حلا كان عنده صور وقال لي انا اشتريه ب3 ريال وب4 ريال

يشتري ما يقارب 30 الى 40 الى 50 حبه في اليوم . وللمعلوميه هذا المحل بجنبه ما يقارب 15 محل قهوه ؟

ويقول ممكن أحيان أخذ منك 100 حبه على حسب الزحمه ( أوقات المباريات) .

قال لي خل أهل بيتك يظبطون الحلا هذا حلا قهوه بانواعه وانا راح اختار نوع واقولك مولني من هذا النوع مثلا : وراح أشتري منك كميه بشكل يومي أو شبه يومي ..

انا رحت كلمت زوجتي ووافقت وتحمسسسست مره . طبعاً الفكره أني اشتري بالجملة أكواب بلاستيك شفافه مع الغطاء وتتعبى حلا من البيت يكون مبرد واوصله لمحل القهوه .

محل القهوه من بيتنا اقل من 10 دقايق قريب .

أنتو أيش أفكاركم وايش انواع الحلويات الي تنصحون فيها ما تكون مقاديرها غاليه ومتوفره بكل مكان ؟؟؟

في البدايه راح أفكر في المصروف والرخص لين أوقف على رجليني .

طبعاً اللي يميز هالمشروع الصغير انه مهوب صعب ومتى ما تبي توقف لظروف توقف.
ورأس ماله مو كثير . ومنها تستفيد زوجتي .وتتعلم بزياده انواع الحلويات .


أحتاج أفكاركم ومشووورتكم !!!!

__________________
يارب ،، ارزقني بالذريه الصالحة
واحفظ لي زوجتي وبارك لي فيها 💕🌸💕
وأجعل حياتنا سعيده هنيئة يارب