حبيبتي روح الله يخليلك ياهن ويحفظهن وتفرحي منهن وتشوفي احفادهن
البنت او الصبي نعمة من رب العالمين
ومرات بنتمنى البنت اكتر من الصبي،او الصبي اكتر من البنت بس ربنا اللي بيقسم الأرزاق
صحيح حنية البنت ووجودها بالبيت غير بس اذا ربنا ما كتب شو العمل
فعلينا نحنا نتعب عليهن ونخليهن يكونوا متل ما بنتمنى
بس تشبعيهن حنان وعاطغة رح تلاقيهن تلقائيا حنونين عليكي
صادقيهن واكسري الحواجز معهن وكوني صديقة وام واخت الهن
جارة اهلي ما عندها بنات وما شاءالله اولادها الشباب بيمسحوا البيت وبينشرولها الغسيل وبيجيبولها اغراض وبيساعدوها باي شي بالبيت متلهن متل البنت
واخواني بس ماما تغسل السجاد او تغسل حيطان المطبخ اخواني الشباب بيساعدوها
واخي مزوج ولحد الآن بيساعدها وبيساعد زوجته
يعني حسب ما تربي الولد بتلاقي
لانو بعرف ناس اذا الشاب بدو يساعد بالاعمال المنزلية بيعتبروها عيب او قلة رجولة
واذا بدو يعبر عن مشاعره بيصيروا يعتبروه ناعم ودلوع
وهيدي الموروثات الغلط اللي بتربط رجولة الولد بجفاؤه العاطفي
لانو البر موجود بالبنت وبالشاب
بس العاطفة اللي بتغيب في حال ما اشبعناها عند الطرفين

اما البنت كونها انثى متلها متل امها ونفس الاهتمامات فممكن الالتصاق اكتر
بس بالحنية حسب ما بتزرعي بتحصدي

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه