السلام عليكم و رحمة الله و بركاته ...

أنا عضو جديد بهالمنتدى .. و بصراحه شدني هالموضوع حيل بما إنه يتعلق بالحياة الزوجيه و بالإسرة خصوصاً .

و قريت كل التعليقات اللي كاتبينها الأعضاء يعطيهم العافيه . منها اللي يساعد و منها اللي ما يساعد لحل المشكله .

فالبداية لازم نعرف إن طبع البشر يخطون . و ما فيه إنسان معصوم من الخطأ إلا نبينا محمد صلى الله عليه و سلم .

و لازم نعرف إن الخطأ لو حصل ف أكيد هناك الغفران من الله سبحانه أولاً . ثم التسامح بين البشر .

صحيح إنك أخطيتي بالشي اللي سويتيه و إنك خالفتي كلام زوجك و سويتي اللي تبينه .
و صحيح إنك الحين جنيتي ثمار غلطتك . لكن هذا ليس نهاية المطاف .

تسألون ليش ؟؟

الجواب هو : ( لإن فيه أمل دائماً ) ...
و اللي توكل على الله ما خاب .

بداية ً نتذكر قول الله عز و جل : ( الطَّلاَقُ مَرَّتَانِ فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ )

و نرى في هذي الأية الكريمه أن الله سبحانه أعطى للإنسان فرصة للتسامح و للتفكير .

اللي حصل بينك و بين زوجك كان بسبب خطأ ,, لكن لا تخلون هالخطأ هو اللي ينهي ما بينكم من حب و موده و عشره .
الله رزقكم بتوأم عسى الله يحفظهم لكم و يتربون في عزكم ,, و عسى الله يجعل هالشي هو حبل الوصل اللي ما يقطع بينكم .

نسمع بعض القصص الزوجيه اللي تنتهي بالطلاق من سنه او شهر او اكثر سواءً الله رزقهم بأولاد أو لا . و الصراحه هالشي محزن و لاحد يتمناه لأي إنسان .

أختي أم جني و لمى .. أدري إنك متحسفه عاللي صار و أنه تمنيتي يرجع فيك الزمن و لا سويتي هالشي . و أدري إن همك الوحيد هو إنه يجتمع شمل العائلة من جديد .. إذا ما كان عشانكم بس عشان الأطفال اللي بينكم . كل طفل بهالدنيا ما وده يعيش مع أبوه أو أمه و هو بعيد عن الثاني . لإن العائلة ما تعوض ب ثمن ..

اللي راح راح و ما راح نقدر نغير الماضي . لكن نصيحتي أنه مهما حصل و إن طالت المدة خليك متعلقه بالله أولاً ثم بزوجك و على أمل إنه ترجعون لبعض بيوم من الأيام .. و إن طالت المده لو عدت سنه أو سنتين .. و لا تهتمين لكلام الناس اللي يقولون شوفي واحد غيره أو مستقبلك أهم .. أو أنه لا تضيعين وقتك معاه .
صدقيني كل إبن آدم و إن كان قلبه قاسي تجيه فتره و يلين .. و مثل ما قالوا بعض الأعضاء إنتي بطريقتك و بإسلوبك حاولي تتقربين له و تذكرينه باللي كان بينكم و حاولي أنه تستخدمين أطفالك ك وسيله للتقرب له .. ترين قلب الرجال ما يتحمل فراق فلذة كبده مهما كان و لا يتحمل يشوفه أبنائه بين يدين رجل غريب .

أوصيك بالصبر و الإيمان بالله و القدر قبل كل شي . لو الله ما أراد لكم ترجعون ل بعض ما راح ترجعون ..

و لو إنه شاء ترجعون لبعض صدقيني ما حد راح يمنع هالشي لو مين ما كان .

أحس إني طولة بالكتابه
لكن والله هالموضوع شد إنتباهي ... و حبيت أطرح وجهة نظري ..

و أخيراً و ليس آخراً ,, عسى الله يلم شملكم عن قريب و ترجعون عائلة وحده ...

تحياتي ....