السلام عليكم

والله سرت احسكم زي اهلي انا مغتربه مع زوجي وكل ما بدي افضفض لاحد سرت اجي المنتدى

المهم قبل كم يوم زوجي جا ضمني وقلي احبك انا انبسطت وقلتلو وانا اموت فيك بعدين راح دفني وقلي لا تصدقي !! بالله مو الحركه تزعل ؟؟؟ وقتها من جوه اغلي بس ضحكت وقلتلو حاسويها فيك ان شاءالله .. بس لما خرجت من الغرفه جلست قالبه وجهي ولما يكلمني اكلمو من دون نفس قال لي ايش مزعلك قلتلو تسوي حركات مدري كيف بعدين تقلي ايش مزعلك قال لي بامزح معاكي قلتلو دا مو مزح دحينا .. زوجي هوا كدا مزحو تقيل ودايما امشي معاه بس دي المره مره قهرني والله .. يقولي الواحد ما يمزح معاكي وراح غرفتو ورحت نمت .. ومن تاني يوم صحي وقالب وجهو .. لما جا من دوامو قلت يلا خلاص خليني امشي معاه من يوم ما دخل قلي بعدي عني .. قلتلو انتا لي زعلان دحينا انا اللي ازعل مو انتا .. يقلي انا اوريكي الزعل كيف على اشياء تافهه .. المهم انو قلب الغلط عليا انا !!! و دحينا كم مره انا احاول اكون على طبيعتي هوا جالس قالب وجهو ولا يكلمني مني عارفه زعلان على ايش ؟؟؟ هوا ولا مفكر فيا بيخرج وينبسط مع اصحابو وتاركني فالبيت لوحدي او يجي وعالبلايستيشن ولا كاني موجودة ..دحينا انا حاولت انو اقرب منو واكلمو الاقي منو كلام يخليني اقول لو ما رحت كلمتو كان احسن ولا يشيل يدي اكتر من مره والله خلاص اطنشو ولا ايش اسوي ؟؟

(تم تعديل العنوان ليتناسب مع المضمون)