اول ما كتبت الموضوع ..
كنت أعاني من ترسبات + ماني قادرة أحمل مشاعر ودية لحماتي و اهل زوجي بسبب الأفعال السابقة ..

ما أحب أشيل في نفسي على أحد ..
و الحمد لله قدرت بفضل من الله ثم بفضلك إنت و أختي مبتعثة ..
إني أتغلب عالشي هذا ..

و فعلا صرت اعاملها بطريقة ودية ..
و مرات تقول لي الله يرضى عليك ..

.
.

عشان كذا ، تلاقيني دحين ..
أول بأول أخد حقي منهم .. و اعمل بنفس طريقتهم .. حركات اللي من تحت لتحت ..
ليش يقهروني و بعدين انكد على زوجي و على نفسي ؟

.
.

و بخصوص أهل زوجي ، لما ما سلمت على اخواته اخر مرة و نحن خارجين ..
هما لاحظوا .. و لإنهم تعودوا من زوجة أخوهم - الخضوع التام لهم و الإحترام الزايد لهم -
لدرجة يخاصموها و يهزأوها و تجلس تبرر لهم و تخاف ..

لاحظوا إني تجاهلت اخواته و ما سلمت عليهم و لا عبرتهم ..
الدليل إنه من هذاك الوقت ، لا أمه اتصلت و لا دقت و لا سالت ..
تتصل مرات و تسال عن ولدها .. و لإنه ما يرد عالجوال بعض الأحيان ..

.
.

جزء من الأغلاط ترى يتحملوه سلفاتي .. لإنهم ساكتين و متحملين و ما يقدروا يتكلموا ..
يخافوا انه اهل زوجي يطنشوهم و ما يعطوهم وجه .. و مرة يتأثروا لو اهل زوجي طنشوهم ..

أنا ما ابين لهم اني اهتم .. و صرت اعمل مثلهم ..
امسك الجوال أو اشغل نفسي بأي شي
أو اجلس اتكلم مع سلفاتي

.
.

حركة اني اتكلم مع سلفاتي و اضحك معاهم ، هذه تعلمتها منكم و من نصايحكم
و جابت نتيجة الحمد لله ..