السلام عليكم اخواتي واخواني أودّ ان أستشيركم بما امر به لعل تفيدوني بما امر به
انا الان مسافرة وفي دوله تركيا الحبيبه للأسف زوجي من الصنف اللي عقولهم خفيفه صارت لي معه مواقف جارحه ومؤلمة بالنسبة لي سأذكر بعضها مره كنّا بنقطع الشارع وفي ترام متجه نحونا انا خفت وتراجعت وهو ممسك بيدي وبقوة يسحبني في نصف الشارع وانا احاول أتراجع للخلف ثم بعدها صرخ وقال لي امام الناس الله يلعن اصلك مره انقهرت منه وبالأخص كان بجانبنا عائلة خليجية وزعلت انا حره اذا لم اقطع الشارع سوف اتبعك بعدها لماذا تعصب وتشدني بقوة في الشارع رجعت الفندق ونمت زعلانه وفي الصباح قلت كبري عقلك واستمتعي بالرحله وطنشيه
الموقف الاخر وهو اليوم ذهبنا الى أوت لت ولخبطنا في المترو وعصب وقتها وجلس يخاصمني وانا مالي ذنب انا شخصيتي قويه لكني أستطيع اتحكم في أعصابي وكنت ساكته له مكبره راسي وبالاخر وصلنا المول وجلست اخذ لأبنائي كم لبسه رخيصه ب30 و25 وجلس عَصّب عليا ويخاصم برضو مطنشه وأحاول امشي الوضع الا لمن وصلنا للكاشير اكتشفت ان احد التيشرت المقاس اصغر من مقاس ابني وقتها برضو رجع يخاصمني ويقول والله لافقع وجهك خلاص انا هنا كرهت كل شي ايش انا عنده لو شغاله مايقدر يقولها هذا الكلام مشيت من المحل وهو حاسب ومشي ولفلف كم محل وطلب مني اختار للأولاد رفضت وطلبت منه نخرج حاول معايا رفضت جلست امام المول ورجع هو قال بيختار قلت اتفضل روح انا مااعرف 8 سنين مايختار للأولاد الا انا دخل وخرج من المول طبعا مامعه شي ولايعرف يختار لهم جلس يترجاني عالاقل اختار لأولاد صاحبه اللي وصاه ورفضت وطلبت ارجع الفندق واحنا راجعين يحاول فيا نتغدى انا بصراحة نفسي انسدت منه ومن أسلوبه معايا رفضت مره وجلس معصب ويتوعد نزل في محطه في الترام قال انه بيتغدى وانا رفضت كملت في الترام الى المحطة اللي امام الفندق ونزلت شوي ورجع ويحاول معايا اتغدى معه ورفضت خلاص كارهته مو طايقة وجه قدامي اللي خلاني اعصب جدا إنّو انا لو يكلمني بأسلوب ويقولي بس قطعه وحده لكل اطفالنا بفهم لكن ليه السب واللعن انا انسانه متفاهمة
شفتوا المثل اللي يقولك بتعرفي شخصيه الانسان في السفر هذا المثل بينطبق على زوجي بصراحة شخصيته مخفيه في السفر يحب يسهر وانا حذره وخوافه ارفض إطلاقا السهر في السفر قبل ايام أتعرف على شباب يعملوا في ريسبشن الفندق ورح يسهر معاهم بصراحة انا مارح ارفض ولا رح أوجع راسي معاه براحته بس قولت له لو سويت شي غلط مارح ارحمك لو بعد سنين عرفت المهم سهر معهم ورجع الساعة 2 طلع له شاب وحط السكين في رقبته قال اعطيني اللي معك واعطاه 30 ليره تصدقوا ايش سوى زوجي جلس يتضارب معاه كيف تتضارب مع واحد معه سلاح وقال له انا قتلت ناس وأقدر اخلص عليك بعدها سمع اصواتهم شرطي وجاء وهرب الرجل مفكرين بعدها تاب سهر لا يقول انه بيسهر تحت في لوبي الفندق وأمامه
الشغله الثانية في السفر بيفوت الصلوات والصلاة اهم عباده بعد التوحيد احاول معاه لكن يطنشي وأذكره بنعمه الله علينا واكرمنا بالسفر بس للأسف
قبل سنتين كان زوجي مدمن سفر مع أصحابه وكنت أسوي مشاكل كثيره معه لسبين لاثق في أصدقائة وهو بصراحة يميل للأصدقاء السوء ثانيا سهل التغرير به
وفعلا بعد سنين اكتشفت انه يشرب خمر ويطلبون منه أصدقائة يوفر لهم وعرفت أنوّه اتعلَّم شرب الخمر من السفر والشغله الثانية كنت اشوف أصدقائة يحضرون في الشقة ---- والعياذ بالله وهو حلف عالمصف أنوّه لم يلمس احد فيهن
بعد مشاكل صارت بيننا اصرت عالطلاق وبقوة وهو كان متمسك فيني بشده بعدها ترك السفر مع الاصحاب لعلمه انني افتعل مشاكل كبيره ووقوف ابي معي لكنه يحاول من فتره لأخرى ان أوافق يسافر مع صديق له تاجر ويجلب بضائع من الصين للتجارة ومره لمصر لحضور تكريم عمه لحصوله على شهادة الدكتوراه وانا اخاف ان أوافق وافتح له الباب مره اخرى وبعدها لايبالي برفضي
العام سافرت معه أوربا خفت من تذبذب شخصيته في السفر يترك الصلوات ومره طلب ان نأكل قطعه حلا فيها كحول وانا رفضت بشده


أرشدوني وانصحوني ماذا افعل معه للعلم عمره 30

حلت الرد 11

http://www.66n.com/forums/showpost.p...4&postcount=11

__________________
اللهم اجعلني مما قلت فيهم يحبهم ويحبونه