حبيبتي حلم من حقك الرفض او القبول فهيدي حياتك انت وحدك اللي رح تعيشيها وانت وحدك مسؤولة عن اي قرار بتاخديه

وبنفس الوقت انا مع انو ما تعطي اي قرار الا من بعد نظرة شرعية وجلسة ما تقل عن ساعتين
وبالنسبة للشكل او القدرة حسب ما بعرف حالات ما خصها بالعمر
ان كان امراض او القدرة
ياما عم نسمع عن شباب ما عم يعطوا زوجاتهن حقهن الا بالشهر مرة او بتمد شهور وبعرف تلات حالات لرجال اتزوجوا بالخمسين وواحد فوق الستين من بعد وفاة زوجته والمرأة اللي اخدها حسب كلامها انو عم يعطيها حقها افضل من رجل بعمر الاربعين


سلفتي اصغر من سلفي ب20 سنة
ورفيقتي من فترة قريبة اتزوج اخو زوجها وزوجته عمرها 22 وهو اكبر منها ب25 سنة وشفت صورهن بالزواج ما مبين عليهن في فارق عمر كبير

زوجي في فارق بالعمر 15 سنة بيني وبينو وبعد كم شهر بيصير عمره خمسين سنة ولا حسيت بالفرق بين اول زواجنا لحد الان ان كان بالشكل او بالروح او بالفكر بالعكس بحس تفكيره وعقليته عمر شباب
حتى بلبنان بس ننزل كل اللي بيسهر معهن اولاد عمي واصحابهن واخواني واعمامي اعمارهن من العشرين للثلاثين هو اكبر واحد وما ببين انو في فرق كبير بينو وبينهن
بالعكس بيمزح وبيحب الحياة وبيهتم بنفسه احسن من شاب اول طلعته

وفي نماذج الفرق بالعمر بيظهر واضح بالشكل والفكر والنفسية وهون ظلم كتير للفتاة لو كانت بعمر الاربعين


كرمال هيك حبيبتي شوفي انت حاجاتك وعلى اساسها قرري

اسأل الله ان يرزقك الزوج الصالح والذرية التي تقر عينك

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه