ابنة زوجي و أطباعها الصعبه !!!
السلام عليكم و رحمة الله و بركاته
اكتب لكم مشكلتي طالبه منكم مساعدتي
عمري 26 سنه و كنت منفصله
تزوجت برجل عمره 29 سنه و هو أيضاً كان منفصل و لديه طفلتين
الاولى عمرها 7 سنوات و الثانيه عمرها 5 سنوات او 6 لست متأكده
تزوجنا حديثاً و الحمدالله حياتي الزوجيه جميله جداً
أحب زوجي و أدور على رضاه و هو كذلك نفس الشي
بداية زواجنا بناته ماكانو مستقرين عندي
كانو عند جدتهم و انا ساكنه بشقه عندهم
كنت سعيده و مرتاحه جداً معاه حيث الهدوء و الراحه و الخصوصيه
لكن بالفتره الاخيره صار لبناته غرفه عندنا بالشقه و استقرو عندي و من بعدها فقدت الهدوء و الراحه
و صارت أغلب اوقاتنا أعصاب و توتر
مشكلتي الآن بنته الصغيره
بدأت انفر منها ولا استلطفها أبداً أبداً
بتقولون حرام طفله و صغيره لكن لا أشعر فيها براءة الطفولة أبداً
التعامل معاها جداً جداً جداً صعب
عنيده، لسانها طويل، كثيرة الصراخ، اللي براسها تسويه ما ترد على أحد، قليلة أدب و مزعجه
ما تحب تشوف برامج أطفال و رسوم متحركه
لكنها تفضل المسلسلات الخليجيه و لاحظت انها تكرر مشاهد العنف و الصراخ!!
جربنا معاها جميع الطرق
المساحل ، المسايس، الحنيه، العقاب، الهدايا لكن بدون أي فايده
مع العلم ان ابوهم مو مخلي عليهم قاصر أبدا و حنون جدا عليهم و يحاول يرضي جميع الأطراف
لكن لا نعلم ما الحل مع طفلة بهذه الأطباع الصعبه حتى ابوها تعب معاها و صار عصبي و متوتر
مُتعبه ولا أتقبل منها أي شي و صرت ما أحبها و وجودها عندي صار يزعجني
وانا بطبعي هاديه و حنونه ولكن مع بنت نفسها لم أقدر على تقبلها
فقدت الهدوء و الراحه و يومنا صار كله أعصاب و توتر
شنو أسوي عشان أغير من أطباعها ؟
أبي أحبها و أصير لها مثل الام لكني مو قادره
كثير من التفاصيل ما ذكرتها مادري اذا مهمه أو لا لكني مشوشه و هذا اللي قدرت أكتبه لكم
أرجو منكم المساعده ...